Dodik flet për Asociacionin

Kreu i serbëve në Bosnjë, Millorad Dodik, tha se Asociacioni i komunave me shumicë serbe duhet “të ngjajë me Republika Srpska-n”. Sipas tij, propozimi franko-gjerman nuk ndryshon shumë nga disa në të kaluarën.

“Bashkësisë ndërkombëtare nuk duhet t’i besohet, por duhet diskutuar dhe çdo propozim që nuk respekton qëndrimin kombëtar dhe shtetëror serb, duhet të refuzohet”, tha Dodik në një intervistë për “Kosovo Online”.

I pyetur nëse e kishte parë planin franko-gjerman, Dodik tha se kishte folur me Vuçiqin për sfidat e atij propozimi.