Kosova
Do të kërkohet ekstradimi Radojiçiqit nga Prokuroria Speciale

Prokuroria Speciale e Kosovës, po pritet të kërkojë ekstradimin e Milan Radojiçiqit.Nënkryetari i Listës Serbe, Milan Radojiçiq është i dyshuar për përfshirjen në vrasjen e politikanit serb, Oliver Ivanoviq.
Për të arrestimin e tij policia e Kosovës më 23 nëntor kishte zhvilluar një aksion në banesën e tij në pjesën veriore të Mitrovicës, por Radojçiq nuk ishte gjetur në shtëpi. Mirëpo ai vetëm dy ditë më vonë u shfaq në publik nga Beogradi dhe që nga ajo ditë, Radojiçiq, po qëndron në Serbi
Prokuroria Speciale e Kosovës, pritet të bëj kërkesë për ekstradimin e tij.
Këtë e ka konfirmuar për lajmi.net, prokurori i Prokurorisë Speciale të Kosovës, Sylë Hoxha, i cili ka thënë se do të kërkohet ekstradimi i tij mirëpo, sipas tij janë edhe disa procedura të cilat do të zbatohen me kohë.
“Po është e qartë që ka me u kërkua ekstradimi i tij. Por që ka procedura të mëhershme një herë. Por po kemi me i zhvillu të gjitha ato procedura çka kërkohen, krejt veprimet procedurale kemi me i ndërmarrë ne. Kemi me i ndërmarrë ne disa veprime, është pak herët për ato kemi me i ndërmarrë. Së pari duhet ti dërgojmë një ftesë, mandej duhet me e leshu një urdhër me kërkua prej Gjykatës jë urdhërarrest, kur të zinet ai në pikat kufitare apo kudo ai arrestohet e kështu me radhë. Janë disa procedura që ne do t’i përcjellim por krejt këto me kohë shkojnë”, ka shpejguar Hoxha për lajmi.net, përcjell Albinfo.ch
Hoxha ka thënë se duhet të përcjellen të gjitha procedurat që parasheh ligji
“Ato nuk janë të gjitha të konfirmuara. Ne duhet me i përfill disa procedura tjera, nuk shkon direkt e te ekstradimi, duhet t’i përcjellim të gjitha procedurat ashtu siç e parasheh ligji”, ka deklaruar Hoxha për lajmi.net, përcjell Albinfo.ch
Ekstradimin e Radojiçiqit e ka kërkuar edhe zëvendësministri i Punëve të Brendshme të Kosovës, Izmi Zeka.
Sipas tij, kjo tregon se çfarë ndikimi ka mos antarësimi i Kosovoës në INTERPOL.
“Se çfarë ndikimi ka mos anëtarësimi i Kosovës në INTERPOL tregon edhe fakti i fundit ku Millan Radojçiqi me dokumentacion të Kosovës, por edhe shtetas i Kosovës kalon në Serbi dhe nuk kemi kurrfarë reagimi ndërkombëtar. Unë nuk po prejudikoj vendimin e Gjykatës në Kosovë megjithatë mbete i dyshuar për rastin e vrasjes së Oliver Ivanoviqit”, ka shkruar Zeka në profilin e tij zyrtar në rrjetin social Facebook.
Zeka gjithashtu ka kërkuar që edhe edhe qytetarët e Kosovës të cilët dyshohen për vrasje të kthehen në Kosovë.
“Prandaj kërkoj nga shtetet e Kuintit dhe ShBA që ti bëjnë presion Serbisë që qytetarët e Republikës së Kosovës të cilët dyshohen për vrasje
apo edhe raste tjera ti kthehen Kosovës. Para ligjeve të Kosovës të gjithë janë të barabartë”, ka shkruar Zeka.
E-Diaspora
-
Hobi i veçantë i Egzonit që po mirëpritet në rrjetet sociale Egzoni (29) nga Aargau jeton me distrofi muskulare – një sëmundje që vazhdimisht i dobëson muskujt....
-
Në Vjenë festohet 17-të vjetori i Pavarësisë së Kosovës
-
Shqiptarja nga Kosova, inxhiniere softuerike në “NETFLIX”
-
Vjenë: Një recital i shkëlqyeshëm me piano nga Kosti Deti
-
Albania School “Pjetër Budi” në Liverpool organizon koncert festiv për festën e Pavarësisë së Kosovës
Jeta në Austri
-
Turizmi austriak po rimëkëmbet pas pandemisë Pesë vjet pasi pandemia e Covid solli ndalesë në industrinë e turizmit të Austrisë, udhëtimet jo...
-
Austri: Dështimi i bisedimeve të koalicionit do të sjellë lehtësim për të huajt dhe punëtorët
-
Austri: Çka dihet për sulmin me thikë që la një të mitur të vdekur?
-
Austri: Një milion shishe dhe kanaçe u kthyen sipas skemës së re Pfand
-
Sulm brutal në Austri: Një sirian godet me thikë kalimtarët, mbetet i vdekur një 14 vjeçar