Dimri në Kosovë, si në përralla
Dimri në Kosovë, si në përralla
E keni në duar këtë numër të Albinfo.ch, i cili vë theksin te potenciali turistik i Kosovës, qoftë për skijim apo në disiplina të ndryshme, ecje të organizuar në dëborë, apo thjesht pushim të qetë në natyrë të virgjër. Prandaj, nëse do t’i festoni festat e fundvitit në Kosovë apo në trojet e tjera shqiptare, ia vlen të ngjiteni pak më lart se zonat urbane të vendlindjes
Gjatë një udhëtimi në Kosovë filloi të bjerë shumë dëborë. Më kujtohen fjalët e shoqëruesit tim, një shkrimtar me vlera dhe me shumë urtësi: “Dëbora te ne është si një vel që e mbulon varfërinë dhe bën që t’i hapim sytë drejt natyrës sonë të bukur”. Ishte më se e vërtetë se pamja e vendeve ku kalonim u shndërrua në një rrëfim përrallor. Në realitet, sezoni dimëror është shumë i bukur në periferitë e Kosovës dhe në trojet e tjera shqiptare, veçanërisht në vendet malore me hapësira të pashkelura, nganjëherë edhe në gjendje autarkie.
Duke u nisur nga ky fakt, në këtë numër festiv të Albinfo.ch i kemi kthyer sytë kah bukuritë malore të Kosovës, të cilat janë fatmirësisht ende të paprekura nga urbanizmi i vendeve të zhvilluara. Kemi gjurmuar pikërisht që të mësojmë diç më tepër se çfarë aktivitetesh zhvillohen në natyrën kosovare gjatë sezonit dimëror, e që janë në harmoni me mbrojtjen e zonave malore.
Pra, të dashur bashkëkombëse dhe bashkëkombës, e keni në duar këtë numër të Albinfo.ch, i cili vë theksin te potenciali turistik i Kosovës, qoftë për skijim apo në disiplina të ndryshme, ecje të organizuar në dëborë, apo thjesht pushim të qetë në natyrë të virgjër. Prandaj, nëse do t’i festoni festat e fundvitit në Kosovë apo në trojet e tjera shqiptare, ia vlen të ngjiteni pak më lart se zonat urbane të vendlindjes.
Para se të filloni të shfletoni këtë numër në këtë ambient festiv, shfrytëzojmë rastin, lexuese dhe lexues të çmuar, që ta ndajmë me ju gëzimin e çmimit “Shqiponja e Artë”, e cila iu nda platformës Albinfo.ch në suaza të Samitit të parë të diasporës mbarëshqiptare që u mbajt në nëntor të këtij viti në Tiranë. Përpos misionit në favor të integrimit harmonik të popullatës shqiptare në Zvicër dhe më gjerë, platforma Albinfo.ch do të vazhdojë të punojë më tutje edhe me më shumë entuziazëm për të promovuar thesaret natyrore të vendeve të prejardhjes, të promovojë ide dhe projekte në favor të zhvillimit të qëndrueshëm të tyre, si dhe ta paraqesë një imazh joshës të hapësirave shqiptare.
Së fundi, në emër të ekipit të Albinfo.ch, më lejoni t’ ju shpreh urimet më të ngrohta për festat e fundvitit.
E-Diaspora
-
BQK: Mbi 112 milionë euro i sollën mërgimtarët në Kosovë vetëm gjatë marsit Pa dyshim se një nga shtyllat kryesore të ekonomisë së Kosovës janë remitencat nga e mbarë...
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
Jeta në Austri
-
Katër gjëra që duhet të dini para se të regjistroni fëmijën tuaj në një kopsht fëmijësh në Vjenë Lëvizja në një vend të ri mund të jetë sfiduese, por stresi i gjetjes së kujdesit...
-
A mund të marr përfitime papunësie në Austri nëse jam i vetëpunësuar?
-
Bora zbardh Austrinë
-
Austri: Dënohet me 15 vjet burg, kosovari që sulmoi të dashurën me thikë dhe kaçavidë
-
Lumir Abdixhiku para bashkatdhetarëve në Vjenë, kërkon mbështetje për Lukas Mandl