Digjet autobusi tërësisht, nuk pëson askush

Një autobus është djegur plotësisht të dielën në rrugën Prishtinë – Podujevë, por fatmirësisht, asnjë person nuk ka pësuar.

Zëdhënësja e Policisë për rajonin e Prishtinës, Flora Ahmeti, u ka thënë mediave se autobusi është dëmtuar tërësisht nga zjarri, i cili është fikur më pas.

“Sot rreth orës 16:30 është raportuar se në rrugën Prishtinë – Podujevë një autobus është përfshirë nga zjarri, i cili është dëmtuar tërësërisht”, tha Ahmeti.

“Policia menjëherë ka dalë në vendin e ngjarjes, po ashtu edhe zjarrfikësit, të cilët kanë lokalizuar zjarrin. Nuk raportohet për persona të lënduar”, theksoi ajo.

Siç bëhet e ditur, Policia ka nisur ndërmarrjen e veprimeve hetimore për t’i sqaruar plotësisht rrethanat e këtij rasti./Albinfo.ch