Dhjetë vendet e botës që kanë vaksinuar më shumë se 50% të popullsisë kundër Covid-19

@pixabay

Në dhjetë vende të botës, më shumë se 50 për qind e popullsisë së përgjithshme të atyre vendeve janë vaksinuar me të paktën një dozë të vaksinës së coronavirusit, dhe për këtë arsye janë afër imunitetit kolektiv.

Këto janë dhjetë vendet e mëposhtme:

Butan – nga 763,000 banorë, 63 për qind e tyre ishin vaksinuar;

Malta – nga gjysmë milioni banorë, 62 për qind e tyre janë vaksinuar. Kjo është arsyeja pse qeveria njoftoi këtë javë se ka arritur të zhvillojë imunitet kolektiv në këtë vend;

Izraeli – nga nëntë milionë banorë, 60 për qind e tyre janë vaksinuar. Kjo gjendje vlerësohet se tregon një shembull që vaksinimi është përgjigjja më efektive ndaj një pandemie;

Maldivet – nga 530,000 banorë, 58 për qind e tyre ishin vaksinuar;

Britania e Madhe – nga 66.65 milionë banorë, 58 për qind e tyre ishin vaksinuar;

Mongolia – nga një popullsi prej 3.25 milionë, 57 për qind e tyre janë vaksinuar;

Bahrejni – nga 1.6 milion banorë, 55 për qind e tyre ishin vaksinuar;

Kanadaja – nga 37.59 milionë banorë, 55 për qind e tyre ishin vaksinuar;

Kili – nga 18,95 milionë banorë, 54 për qind e tyre ishin vaksinuar;

Hungaria – nga 9.7 milionë banorë, 52 për qind e tyre ishin vaksinuar.