Lajme
Çfarë dëshirojnë fëmijët zviceranë dhe të rriturit për Krishtlindje
Pa dyshim se Santa Klausi ose Babagjyshi i Vitit të Ri është një figurë e dashur që e ka origjinën nga kultura e krishterë perëndimore, mbetet dëshira kryesore e fëmijëve, transmeton albinfo.ch.
Mike Arney
Krishtlindjet janë veçanërisht festa e fëmijëve. Të gjithë presin Babagjyshin me dashuri, i cili do të plotësojë çdo dëshirë të tyre. Në fakt, është traditë që, në fillim të muajit dhjetor, të gjithë fëmijët i shkruajnë një letër Babagjyshit, me një listë dhuratash që duan të marrin. Çdo gjë bëhet magjike dhe fëmijët përgatiten për këtë festë me gjithë padjallëzinë e moshës. Nëse keni fëmijë në moshën që besojnë ende te Babagjyshi, mund të vini re se si gjithçka shndërrohet në magji në këtë periudhë.
Sot Krishtlindjet e kanë humbur pothuajse të gjithë kuptimin e tyre fetar dhe kanë marrë një rol më shumë tregtar, ku deri në vigjilje të kësaj dite njerëzit vrapojnë për të bërë dhuratat e fundit. Kjo magji e ka kulmin e saj mëngjesin e 25 dhjetorit, kur fëmijët të lumtur vrapojnë për te pema e Krishtlindjes për të gjetur dhuratën e tyre nën të.
Jonathan Borba
Thuhet se Babagjyshi u jep dhurata vetëm atyre fëmijëve që janë sjellë mirë përgjatë një viti.
“Unë jam sjellë shumë mirë dhe e meritoj dhuratën. Kërkoj një biçikletë. Unë dua një kukull. Unë një Iphone. Babagjyshi i sjell nga oxhaku dhuratat. Unë kërkoj libra, sepse jam shumë e dhënë pas tyre. Ne kemi ardhur nga Italia dhe po kalojmë shumë bukur këtu. Unë dua një pistoletë. Unë një helikopter. I kërkoj babagjyshit një fustan hirusheje dhe dhe këpucët prej qelqi”, shprehen fëmijët.
Wout Vanacker
Nga ana tjetër, të rriturit në Zvicër preferojnë që këtë festë ta kalojnë në gjirin familjar dhe të plotësojnë dëshirat e fëmijëve, pa harruar edhe prindërit, duke i bërë dhurata njëri-tjetërit.
Viti pandemik i ka goditur të gjithë, shkruan The Local, kjo ka ndikuar që kjo festë të festohet në ambiente me më pak persona, për të parandaluar përhapjen e virusit korona. /Albinfo.ch
Roberto Nickson
E-Diaspora
-
Kosovari para gjyqit, ka sulmuar çiftin homoseksual I akuzuari i goditi ata në duar dhe i quajti, ndër të tjera, “homo të neveritshëm”...
-
Gjuha shqipe forcon integrimin
-
Flisni shqip në Zvicër!
-
RTS: “Toka Brenda Meje” e Fisnik Maxville-it trajton traumën e Kosovës
-
Filmi “The Land within”, lufta në Kosovë, e vështruar nga një kënd tjetër
Jeta në Austri
-
Çfarë është e hapur dhe çfarë është e mbyllur në “Ditën e Ngjitjes” në Austri? Të enjten është Dita e Ngjitjes, ose Christi Himmelfahrt në gjermanisht, një nga shumë festat publike...
-
Përmbledhje e lajmeve më të fundit për sot në Austri
-
Dëmet e aksidenteve rrugore arrijnë në miliarda në Austrinë e Epërme
-
Kancelari austriak me thirrje për testime më të shpeshta të ADN-së, për të verifikuar lidhjet familjare
-
Cila është vaksina e rriqrave në Austri dhe a duhet ta merrni atë?