Kosova
Deputeti gjerman kërkon qasje të balancuar në dialogun Kosovë-Serbi
Sipas tij, marrëveshjet duhet të përmbushen
Deputeti i Asamblesë Parlamentare të Këshillit të Evropës, njëherësh zëdhënës i politikës së jashtme të grupit parlamentar të AfD-së në Bundestagun gjerman, Petr Bystron, ka folur për situatën rreth dialogut të Kosovës dhe Serbisë dhe qasjes së partisë së tij karshi dy vendeve, për Kosovo-Online, përcjell albinfo.ch.
Bystron u shpreh se kur bëhet fjalë për marrëdhëniet me Kosovën, AfD-ja do të mbajë një qëndrim më të balancuar, i cili do të siguronte përmbushjen e të gjitha obligimeve ndërkombëtare, ndërsa u shpreh se qëllimi i tyre do të ishte të inkurajojnë stabilitetin dhe paqen në rajon dhe kjo mund të nënkuptojë një pozicion më kritik ndaj Kosovës.
Sa i përket Beogradit, ai thotë se marrëdhëniet me Serbinë duhet të vendosen mbi një bazë solide që reflekton interesat e përbashkëta teksa në të njëjtën kohë, kjo mund të nënkuptojë edhe rritje të bashkëpunimit ekonomik dhe diplomatik, si dhe mbështetje për Serbinë në dialogun me Kosovën.
I pyetur se si do ta vlerësonte politikën aktuale ndaj Serbisë dhe Kosovës, e cila udhëhiqet kryesisht nga Partia e Gjelbër, përkatësisht ministrja Annalena Baerbock, Bystron vuri në dukje njëanshmërinë dhe fanatizmin ideologjik.
“Politika e të Gjelbërve është e njëanshme, e bazuar në ideologji. Qëndrimi i tyre injoroi realitetin kompleks në rajon dhe nuk mori parasysh interesat afatgjata të Gjermanisë. Nevojitet një pozicionim i ri. Ne do të kërkonim një konsideratë thelbësisht të re të politikës sonë ndaj Serbisë dhe Kosovës, bazuar në drejtësinë, realizmin dhe mbrojtjen e interesave tona kombëtare”, ka thënë ai.
I pyetur nëse Gjermania është e njëanshme, ai është përgjigjur pozitivisht, duke theksuar se politika gjermane ka treguar njëanshmëri që duhet korrigjuar.
Ndër të tjera ai vuri në dukje se Gjermania duhet të luajë një rol aktiv në rajon për të promovuar dialogun dhe bashkëpunimin, jo të mbajë anë.
Të ngjashme
Të tjera nga Kosova
E-Diaspora
-
Detaje nga rasti kur një shtetas nga Kosova vrau pronarin e biznesit në Dyseldorf Një vrasje me armë zjarri është regjistruar dje në qytetin e Dyseldorfit në Gjermani. Mësohet se...
-
Arnold “The Cobra” Gjergjaj triumfon në luftën e fundit
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
Jeta në Austri
-
Gjithçka që ndryshon në Austri nga muaji maj Nga grevat dhe protestat, deri te festat publike (që janë shumë), këtu janë gjërat që do...
-
Katër liqene të bukura, tek të cilat mund të shkoni lehtësisht nga Vjena me transport publik
-
Sa vite duhet të punoni në Austri që të keni të drejtën e pensionit?
-
Austrian Airlines arrin marrëveshje pagash me punëtorët për të shmangur grevat e reja
-
Katër gjëra që duhet të dini para se të regjistroni fëmijën tuaj në një kopsht fëmijësh në Vjenë