Sport
Denis Markaj transferohet tek “FC Aarau”
Futbollisti shqiptar pritet që nga sezoni i ardhshëm të transferohet nga ekipi "Lugano" tek "FC Aarau". Kontrata duket se tashmë është nënshkruar
Futbollisti Denis Markaj i cili luan për ekipin “Lugano” i Ligës së Parë (Challenge Ligue) në Zvicër, nga sezoni i ardhshëm 2015/2016 pritet të ndryshojë terrenin sportiv. Mbrojtësi shqiptar ka nënshkruar kontratë dyvjeçare me ekipin futbollistik “FC Aarau” që zhvillon gara në kategorinë më të lartë të futbollit zviceran, në Superligë.
Kalimin e futbollistit e ka konfirmuar edhe trajneri i “Luganos”, Livio Bordoli: “Është e ditur tashmë se Denisi nga sezoni i ardhshëm do të kalojë tek ekipi “FC Aarau”, ka thënë ai për “aargauerzeitung.ch“, transmeton albinfo.ch.
“Çdo gjë shkoi si duhet. Drejtori sportiv i Aarau-t, Urs Bachmann ka kontaktuar me mua dhe më ka konfirmuar se Markaj ka nënshkruar një kontratë dyvjeçare me “FC Aarau”.
Por, Markaj nuk dëshiron të komentojë rreth ndërrimit të ekipit. “Përderisa ekipet e Luganos dhe të Aaraut nuk kanë bërë asgjë zyrtare, nuk dëshiroj të flas për këtë”, thotë mbrojtësi shqiptar.
Denisi më 20 shkurt do t`i mbush 24 vjet. Si junior ai ka luajtur për “FC Baden” dhe ishte lojtar i rregullt në ekipin e parë. Pas karrierës së tij futbollistike me ekipet e “Chiasso” dhe “Bellinzona”, në tetor të vitit 2013 iu bashkua ekipit “Lugano”.
Markaj në Tesinë luan si mbrojtës i djathtë por për shkak të cilësive të tij ai shpesh përdoret edhe si mesfushor ofansiv.
Denis Markaj është nga Gjakova por jeton prej shumë vitesh në Zvicër.
E-Diaspora
-
Detaje nga rasti kur një shtetas nga Kosova vrau pronarin e biznesit në Dyseldorf Një vrasje me armë zjarri është regjistruar dje në qytetin e Dyseldorfit në Gjermani. Mësohet se...
-
Arnold “The Cobra” Gjergjaj triumfon në luftën e fundit
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
Jeta në Austri
-
Gjithçka që ndryshon në Austri nga muaji maj Nga grevat dhe protestat, deri te festat publike (që janë shumë), këtu janë gjërat që do...
-
Katër liqene të bukura, tek të cilat mund të shkoni lehtësisht nga Vjena me transport publik
-
Sa vite duhet të punoni në Austri që të keni të drejtën e pensionit?
-
Austrian Airlines arrin marrëveshje pagash me punëtorët për të shmangur grevat e reja
-
Katër gjëra që duhet të dini para se të regjistroni fëmijën tuaj në një kopsht fëmijësh në Vjenë