Cyrihu, shumë i shtrenjtë për takime

Për të dytin vit Cyrihu renditet në krye të listës së qyteteve më të shtrenjta për takime, sipas raportit të këtij viti të „Mapping the World’s Prices“ dhe „Deutsche Bank“.

Për një takim janë paraparë shpenzimet për taksitë, darkë për dy persona, pije, dy bileta filmi dhe disa birra, që kushtojnë 195.90 dollarë, ose 147% më shumë se në Nju-Jork, i cili figuron në vendin e shtatë, përcjell albinfo.ch.

Bazuar në këto rezultate, „Deutsche Bank“ këshillon banorët e Cyrihut për të zgjedhur me shumë kujdes, sidomos ata që dëshirojnë të dalin dhe të martohen më herët, në qoftë se dëshirojnë të kursejnë para.

Qëllimi i hulumtimit është që të japë një ide më të qartë nëse kurset e këmbimit të valutave në fakt korrigjohen për të hequr dallime të mëdha të çmimeve në vende të caktuara.

Për shkak të monedhës së fortë të vendit, çmimet lokale duken mjaft të larta në krahasim me fqinjët evropianë.

Parisi pozicionohet  në vendin e 17-të nga 47, dhe vendet më të arsyeshme për takime janë Kuala Lumpur, Xhakarta dhe Manila.