Kultura
“Çohu” merr çmim në festivalin trimedial të Evropës, “Prix Europa”
Fjala është për punimin e përbashkët të diplomës në ZHDK, “Çohu – Steh auf!” të Arzije Asanit, me prejardhje nga Kosova Lindore dhe Céline Stettler
Dy studente të Shkollës së Lartë (akademisë) të Arteve të Cyrihut ZHDK janë shpërblyer me çmimin “Online Media Rising Star” në kuadrin e festivalit “Prix Europa”. Çmimin e kanë marrë Arzije Hasani dhe Céline Stettler për një seri dokumentare që kishte për temë aktivizmin në fushën e barazisë gjinore në Kosovë, shkruan persönlich.ch.
Fjala është për punimin e përbashkët të diplomës “Çohu – Steh auf!” të dy absolventeve të përmendura të degës së dizajnit në ZHDK, transmeton albinfo.ch. Arzije Asani, me prejardhje nga Kosova Lindore, ka studiuar në drejtimin Cast/Audiovisual Media, ndërsa Céline Stettler, në drejtimin “Trends & Identity”.
Të kujtojmë: “Prix Europa” është festivali më i madh trimedial në Evropë dhe njëherësh është një garë e prodhimeve nga fusha e televizionit, radios dhe mediave online. Konsiderohet si njëri ndër çmimet më të rëndësishme në fushë të mediave në Evropë.
Festivali mbështete nga Komisioni Evropian, Parlamenti Evropian., Europian Broadcasting Union (EBU/UER) dhe European Alliance for Television and Culture /FATC).
“Çohu” është një seri vebi për aktivizmin gjinor në Kosovë. Feministja e zgjuar, Adelina dhe lideri i komunitetit të atjeshëm LGBTI, Lendi, luftojnë krah për krah kundër patriarkalizmit dhe për barazinë e të gjitha gjinive në Kosovë, përcjell albinfo.ch. Projekti është bashkëprodhuar nga Televizioni Zviceran SRF dhe është mbështetur financiarisht nga Fondi AVINA.
Aktualisht, “Çohu”, krahas projekteve të tjera të ZHDK-së, po merr pjesë në Bienalen B3 të Imazhit lëvizës që mbahet nga 15 deri më 20 tetor në kuadrin e Panairit të Librit në Frankfurt.
Të ngjashme
Të tjera nga Kultura
E-Diaspora
-
Gjuha shqipe forcon integrimin Në kontekstin e diasporës shqiptare në Zvicër dhe më gjerë, gjuha shqipe ka një rëndësi në...
-
Flisni shqip në Zvicër!
-
RTS: “Toka Brenda Meje” e Fisnik Maxville-it trajton traumën e Kosovës
-
Robin Krasniqi fiton me pikë ndaj portugezit Jorge Silva
-
Sot shfaqet në Cyrih filmi “The Land within”, i regjisorit Fisnik Maxville
Jeta në Austri
-
Dëmet e aksidenteve rrugore arrijnë në miliarda në Austrinë e Epërme Dëmi ekonomik i shkaktuar vetëm nga aksidentet rrugore në Austrinë e Epërme arrin në pothuajse 1.6...
-
Kancelari austriak me thirrje për testime më të shpeshta të ADN-së, për të verifikuar lidhjet familjare
-
Cila është vaksina e rriqrave në Austri dhe a duhet ta merrni atë?
-
Si të mos ‘përplaseni’ nga një tren austriak i mbipopulluar?
-
Çfarë më lejohet të bëj në ballkonin tim në Austri?