Kinema
Çmimi europian shkon për ‘Quo Vadis Aida’
“Quo Vadis, Aida?”, filmi i regjisores boshnjake Jasmina Zbanic fitoi Çmimin Europian të Publikut. Trofe i dorëzuar nga presidentja e Parlamentit Europian, Roberta Metsola.
Së bashku me artisten, në marrjen e çmimit në ambientet e Parlamentit Europian në Strasburg ishte edhe një nga të mbijetuarat e masakrës së Srebrenicës.
Ky është një tjetër nderim për regjisoren 47-vjeçare, e cila vijon të rrëmbejë çmime. Kritikët vlerësojnë mënyrë e ekranizimit të historive të dhimbshme të viktimave të luftës.
Quo Vadis Aida risjell në vëmendje masakrën e Srebrenicës në korrik 1995 kur trupat serbe masakruan burrat e djemtë boshnjakë.
Vlerësuar edhe për aktoren protagoniste, filmi tregon ngjarjet përmes syve të një nëne e quajtur Aida, mësuese, e cila punon si përkthyese për Kombet e Bashkuara.
Për regjisoren ngjarjet e vitit 1995 ngjasojnë me luftën e sotme në Ukrainë
“Është vërtet e trishtueshme që ne si europianë nuk mësuam asgjë nga luftërat ballkanike. Nuk mësuam të flasim përpara se gjërat të ndodhin. Tani është një çmenduri lufte. Ka pasur sinjale shenja se lufta po përgatitej dhe ne nuk i pamë këto shenja dhe nuk gjetëm mënyrën se si të shmangnim luftën në Europë. Për mua është vërtet e trishtushme. Trishtohem, sepse kur flasim rreth luftës njerëz po vdesin”, u shpreh Jasmila Zbanic, regjisore e Quo Vadis, Aida.
Fundi i filmit ” Quo Vadis, Aida?” mbetet qëllimisht i paqartë. Shumë përgjegjës të luftës u arratisën pa u ndëshkuar. Filmi është vlerësuar botërisht nga kritikët dhe ka marrë çmime të shumta. Ai u nominua për Luanin e Artë në Festivalin e Filmit të Venecias më 2020 dhe për një vit më vonë edhe për çmimet Oscar./Euronews
E-Diaspora
-
Filmi “The Land within”, lufta në Kosovë, e vështruar nga një kënd tjetër Në "Kino Kosova" është shfaqur edhe filmi "The Land within", i regjisorit shqiptaro-zviceran Fisnik Maxville (Maxhuni),...
-
Robin Krasniqi fiton me pikë ndaj portugezit Jorge Silva
-
Sot shfaqet në Cyrih filmi “The Land within”, i regjisorit Fisnik Maxville
-
“Kino Kosova”: Një realitet filmik i shikuar nga perspektiva femërore
-
Krasniqi sonte rikthehet në ring, përballet me boksierin portugez
Jeta në Austri
-
Çfarë më lejohet të bëj në ballkonin tim në Austri? Gjatë muajve të verës, mund të duket se çdo austriak jeton ekskluzivisht në ballkonet e tij...
-
Një përmbledhje e lajmeve më të fundit në Austri
-
A mund të paguani taksat tuaja austriake duke përdorur një llogari bankare të huaj?
-
Pse Austria renditet kaq keq në indeksin për lirinë e shtypit?
-
Nomadët digjitalë: Kush mund të punojë në distancë në Austri?