Kosova
Çka u gjet në veturën me targa të Beogradit në Zveçan?
Çka u gjet në veturën me targa të Beogradit në Zveçan?
Organet e hetuesisë dhe sigurisë në Kosovë kanë arritur të parandalojnë një akt terrorist në komunën e Zveçanit.
Sipas njoftimit të policisë, vetura me targat të Serbisë ishte e mbushur me armatime.
“Siç edhe jeni njoftuar përmes kanaleve tona zyrtare, mbrëmë u identifikua një veturë me targa të Beogradit, rreth 100 m larg Komunës së Zveçanit, në të cilën janë zbuluar sasi të mëdha të armatimeve, mjeteve eksplozive dhe municioneve të ndryshme, përfshirë Zolla, Osa, eksplozivë, armë automatike, sasi e konsiderueshme e municionit, shok-bomba, uniforma dhe çanta ushtarake”, ka thënë ministri i Punëve të Brendshme, Xhelal Sveçla.
Vetura që u konfiskua pastaj është një pronësi të “Hekurudhave të Serbisë”.
“Vetura që shihni këtu, me targa të Beogradit, e përfshirë në këtë rast, është evidentuar si pronë e një ndërmarrje publike shtetërore e Serbisë. Saktësisht “Shoqëria Aksionare Hekurudha e Serbisë”, tha tutje ministri, përcjell albinfo.ch.
“Unë do të kërkoj nga Qeveria e Kosovës që organizatat si Mbrojtja Civile dhe Severna Brigada të shpallen organizata terroriste”, u shpreh Sveçla.
Drejtori i Policisë së Kosovës, Gazmend Hoxha, ka treguar sasinë e madhe të armatimit që u konfiskua të premten në Zveçan në një veturë me targa nga Beogradi.
Sipas institucioneve të sigurisë, u parandalua një sulm terrorist ndaj qytetarëve të Kosovës.
Disa prej tyre janë konfiskuar, por drejtori i PK-së ka thënë se numri i armatimeve që janë futur në Zveçan nga Serbia është më i madh.
Çka u konfiskua në Zveçan të premten në mbrëmje?
Vetura A6
9 zolla
2 lansues
2 osa
1 predhë e minahadhësit
21 granata dore – të cilat dyshohet se janë përdorur gjatë sulmit ndaj KFOR-it më 29 maj
20 predha të tromblonit
2 mbushës të barutit
10 armë të gjata automatike
1 revole
1 shurdhues të armëve
51 karikatorë të armëve të gjata
5 karikatorë të armëve të shkurtra
5756 fishekë të kalibrit të ndryshëm
18 koktej molotovi
17 mjete piroteknike
14 mjete tymosëse
5 thika ushtarake
11 jelekë antiplumb dhe taktik
9 uniforma ushtarake
1 dylbi
Maska kundër helmimit nga gazi
1 dyshek ushtarak për nevoja te snajperëve
Telefonë, tre radiolidhje dhe një sasi e narkotikëve.
E-Diaspora
-
Shqiptari shpallet studenti më i mirë i policisë së Nju-Jorkut për 2024-ën Laert Sallaku ishte gjimnazist kur u largua nga Tirana më 2017. Ai u vendos në Nju-Jork,...
-
Osmani u drejtohet bizneseve amerikane në Teksas: Investoni në Kosovë
-
Hapet ekspozita e piktorit shqiptar në Helsinki
-
Xhaka-Gjimshiti, dy shqiptarët në garë për trofeun e Europa League
-
Kam pak kohë që jetoj në Zvicër, si mund të aftësohem/shkollohem në Lausanne?
Jeta në Austri
-
Çfarë lejohet të bëjnë fëmijët vetëm sipas ligjit austriak? Vera po vjen, shkollat po mbyllen dhe shumë prindër do të pyesin veten se si do...
-
Si mund t’i zgjidhë Vjena “problemet e saj të imigracionit”?
-
Edhe Austria i kërkon Qeverisë së Kosovës draft-statutin në këmbim të anëtarësimit në KiE
-
Austria kualifikohet në finale të Eurovizionit
-
Ambasada e Kosovës në Austri u bën thirrje mërgimtarëve që të regjistrohen