Cilat vende nuk do të transmetojnë Eurovisionin për shkak të pjesëmarrjes së Izraelit?

Keystone APA/GEORG HOCHMUTH

Festivali i Këngës në Eurovision ka nisur në Vjenë, në një atmosferë të tensionuar politike, pasi disa vende kanë vendosur të mos e transmetojnë garën për shkak të pjesëmarrjes së Izraelit.

Transmetuesit publikë të Spanjës, Irlandës dhe Sllovenisë njoftuan të hënën se nuk do ta transmetojnë Eurovision Song Contest, duke e justifikuar vendimin me bojkotin ndaj pjesëmarrjes së Izraelit në konkurs, transmeton albinfo.ch.

Sllovenia: Program alternativ me fokus në Palestinë

Transmetuesi publik slloven RTV deklaroi se në vend të “spektaklit të Eurovisionit”, programi televiziv do të fokusohet në një seri tematike të quajtur “Zërat e Palestinës”.

Spanja: Festim i 70-vjetorit pa përmendur Eurovisionin

RTVE, televizioni publik spanjoll, njoftoi se në ditën e transmetimit do të shënojë 70-vjetorin e tij me një program special të emisionit “La Casa de la Música”, pa përmendur garën evropiane.

Drejtoresha e përmbajtjes në RTVE, Ana María Bordas, theksoi se data e transmetimit ka një rëndësi të veçantë në Evropë, pasi përkon me Ditën Ndërkombëtare të Bashkëjetesës në Paqe.

Irlanda: Transmetim alternativ humoristik

Transmetuesi irlandez RTÉ ka zgjedhur të transmetojë një episod të serialit të njohur komik të viteve ’90 “Father Ted”, ku dy priftërinj përpiqen të krijojnë një këngë për një konkurs ndërkombëtar muzikor.