Cilat vende janë prodhuesit më të mëdhenj të grurit?

Keystone EPA/MAXIM SHIPENKOV

Kur marrim parasysh rëndësinë e grurit në sistemin ushqimor global, çdo forcë e jashtme që pengon prodhimin, si thatësirat, luftërat apo ngjarje të tjera, mund të ndikojnë fuqishëm mbi gjithë ekonominë.

Gruri është një element ushqimor thelbësor për miliona njerëz në mbarë botën.

Pas orizit dhe misrit, gruri është drithi i tretë më i prodhuar në mbarë botën dhe i dyti më i prodhuar për konsum njerëzor.

Më shumë se 80 vende të ndryshme prodhojnë grurë në mbarë botën, shumica e prodhimit global të grurit vjen nga vetëm një pjesë e vogël e tyre, sipas të dhënave nga Organizata e Ushqimit dhe Bujqësisë e Kombeve të Bashkuara (FAO).

Kina, prodhuesi më i madh në botë i grurit, ka prodhuar më shumë se 2.4 miliardë tonë grurë gjatë dy dekadave të fundit, duke përbërë afërsisht 17% të prodhimit total nga 2000-2020.

Shumica e grurit të Kinës përdoret në vend për të ndihmuar në plotësimin e kërkesës në rritje të vendit për ushqim. Kina është konsumatori më i madh në botë i grurit – në 2020/2021, vendi përbënte afërsisht 19% të konsumit global të grurit.

Vendi i dytë më i madh prodhues i grurit është India.

Gjatë dy dekadave të fundit, India ka prodhuar 12.5% ​​të grurit në botë. Ashtu si Kina, India ruan shumicën e grurit të saj vendas për shkak të kërkesës së konsiderueshme për ushqim në gjithë vendin.

Rusia, prodhuesi i tretë më i madh në botë i grurit, është gjithashtu eksportuesi më i madh global i grurit. Vendi eksportoi më shumë se 7.3 miliardë dollarë grurë në vitin 2021, duke përbërë afërsisht 13.1% të eksporteve totale të grurit atë vit./Euronews