Lajme
Cilat shtete lidh tuneli më i gjatë nënujor në botë?
Në thellësinë 40 metra në Detin Baltik, tuneli më i gjatë në botë do të lidhë Danimarkën dhe Gjermaninë, duke shkurtuar shumë kohën e udhëtimit midis dy vendeve kur të hapet në vitin 2029.
Pas më shumë se një dekade planifikimi, në vitin 2020 nisi ndërtimi i tunelin Fehmarnbelt dhe që në muajt e parë një port i përkohshëm përfundoi së ndërtuari në anën daneze.
Ai do të presë fabrikën që së shpejti do të ndërtojë 89 seksionet masive të betonit që do të përbëjnë tunelin.
“Parashikimi është që linja e parë e prodhimit të jetë gati në fund të vitit ose në fillim të vitit të ardhshëm”, tha Henrik Vincentsen, CEO i Femern A/S, kompania shtetërore daneze përgjegjëse për projektin. “Deri në fillim të vitit 2024 ne duhet të jemi gati për të zhytur elementin e parë të tunelit”.
Tuneli, i cili do të jetë 18 kilometra i gjatë, është një nga projektet më të mëdha të infrastrukturës në Evropë, me një buxhet ndërtimi prej mbi 7 miliardë eurosh.
Për krahasim, tuneli i Kanalit 50 kilometra, që lidh Anglinë dhe Francën, i përfunduar në 1993, kushtoi 13.6 milionë dollarë, ekuivalenti i 12 miliardë në paratë e sotme. Edhe pse më i gjatë se tuneli Fehmarnbelt, Tuneli i Kanalit u krijua duke përdorur trapanë, në vend që të zhyste seksionet e tunelit të para-ndërtuara.
Ai do të ndërtohet përgjatë Brezit Fehmarn, një ngushticë midis ishullit gjerman të Fehmarn dhe ishullit danez të Lolland, dhe është projektuar si një alternativë ndaj shërbimit aktual të trageteve nga Rødby dhe Puttgarden, i cili transporton miliona pasagjerë çdo vit. Aty ku kalimi tani zgjat 45 minuta me traget, do të duhen vetëm shtatë minuta me tren dhe 10 minuta me makinë./CNN
E-Diaspora
-
Pesë Asamblistë të Cyrihut kërkojnë nga komuna t`i dhurojë Prishtinës kamionë për mbledhje e mbeturinave Asamblistët në fjalë janë: Flurin Capaul (FDP), Pascal Lamprecht (SP), Përparim Avdili (FDP), Reis Luzhnica (SP)...
-
Blick: Shaqiri dëshmon sërish pse Zvicra nuk mundet pa të
-
Olti Hyseni, 16-vjeçari shqiptar që po mahnit Danimarkën
-
BQK: Dërgesat e mërgatës deri në fund të muajit shkurt 2024 arritën në mbi 174 milionë euro
-
52-vjeçari nga Kosova gjen vdekjen në vendin e tij në punës në Itali
Jeta në Austri
-
Përmbledhje e lajmeve më të fundit nga Austria Ministria e Integrimit do të përcaktojë ‘kulturën austriake’, grevë në Austrian Airlines dhe më shumë lajme...
-
Anulohen fluturimet Vjenë-Shkup dhe anasjelltas
-
Ministrja austriake e Drejtësisë: Austria do ta mbështesë Kosovën për anëtarësim në Këshillin e Evropës
-
Austri: Priten deri në 400 anulime të fluturimeve për shkak të grevës
-
Sllovenia pret rritjen e numrit të sirianëve për në Austri e Gjermani