Cilat dieta ushqimore ndihmojnë sistemin imunitar?

Foto ilustrim

Studimet sugjerojnë që dieta e një personi ndikon në sistemin e tij imunitar, ashtu si të gjitha aspektet e tjera të shëndetit, sipas një artikulli të botuar në faqen mjekësore britanike “MedicalNewsToday”.

Ushqimi mund të ndikojë në mikrobiomën, funksionin e barrierës së zorrës, proceset inflamatore dhe funksionin e qelizave të bardha të gjakut, të gjitha këto ndikojnë në funksionin imunitar.

Modelet dietike dhe ushqimet individuale kanë lidhje me rritjen e rrezikut të sëmundjes, një rrezik më të madh për alergji dhe reagim imunitar të dëmtuar.

Dietat e tipit perëndimor kanë tendencë të përmbajnë nivele të larta të yndyrnave të ngopura, ushqimeve ultra të përpunuara, sheqerit të shtuar dhe kripërave dhe kalorive të përgjithshme.

Kjo dietë shpesh është e ulët në ushqime të shoqëruara me shëndet më të mirë, të tilla si perime, fruta dhe peshk të yndyrshëm dhe ka lidhje të forta me një rrezik në rritje të sëmundjeve kronike.

Kërkimet sugjerojnë që dietat e tipit perëndimor nxisin inflamacion dhe ndryshojnë funksionin e sistemit imunitar, duke nxitur zhvillimin e sëmundjes.

Në të kundërt, dietat e pasura me ushqime të tilla si perime, fruta, arrorë, bishtajore dhe ushqime deti, si edhe ushqime pak të përpunuara mund të zvogëlojnë rrezikun e sëmundjes dhe të promovojnë funksion të shëndetshëm imunitar.

Për më tepër, një mungesë ose pamjaftueshmëri e lëndëve ushqyese thelbësore për funksionin imunitar, duke përfshirë vitaminën D, zinkun dhe vitaminën C, gjithashtu mund të ndikojë në përgjigjen imune.

Megjithëse është e qartë që zgjedhjet dietike ndikojnë në shëndetin e përgjithshëm, përfshirë funksionin imunitar, ndërveprimi midis dietës dhe shëndetit imunitar është shumë i ndërlikuar.

Shkencëtarët ende po mësojnë se si ushqimet që një person konsumon mund të ndihmojnë ose dëmtojnë funksionin imunitar.