Lajme
Çfarë ndalohet e çfarë jo, me masat që hyjnë sonte në fuqi në Zvicër
Do të mbyllen edhe të gjitha bizneset në të cilat nuk mund të respektohet rregulli i mbajtjes së distancës, siç janë sallonet e flokëve apo studiot kozmetike
Me hyrjen në fuqi të vendimit për Gjendjen e Jashtëzakonshme, të shpallur sot nga Qeveria Federale, ndalohen praktikisht të gjitha aktivitetet publike dhe private.
Do të mbyllen: të gjitha dyqanet, tregjet, restorantet, baret si dhe objektet argëtuese dhe ato për kohë të lirë si muzetë, bibliotekat, kinematë, sallat e koncerteve dhe shtëpitë e teatrit, qendrat sportive, pishinat dhe zonat e skive, shkruan srf.ch.
Po ashtu do të mbyllen edhe të gjitha bizneset në të cilat nuk mund të respektohet rregulli i mbajtjes së distancës, siç janë sallonet e flokëve apo studiot kozmetike, transmeton albinfo.ch.
Nga ana tjetër, sipas qeverisë është siguruar furnizimi i të gjithë popullatës me ushqim, ilaçe dhe mallra të përdorimit të përditshëm, janë krijuar rezerva të mjaftueshme.
Qëndrojnë të hapura:
Dyqanet ushqimore, lokalet take away, kantinat e ndërmarrjeve, shërbimet që dërgojnë ushqimet te klientët dhe barnatoret. Po ashtu do të mbeten të hapura: pompat e benzinës, stacionet e trenave, bankat, zyrat postare, hotelet, administrata publike dhe institucionet sociale.
Punëtoritë ku rregullohen mjetet e transportit gjithashtu mund të mbeten të hapura, përcjell albinfo.ch. Por të gjitha këto institucione duhet tu përmbahen rekomandimeve të Zyrës Federale të Shëndetit Publik në lidhje me mbajtjen e distancës dhe higjenën.
Spitalet, klinikat dhe ordinancat e mjekëve mbeten të hapura, por duhet të shmangin ndërhyrjet mjekësore dhe terapitë që nuk janë urgjente.
Njerëzve veçanërisht të cenueshëm duhet t`u mundësohet të kryejnë punën e tyre nga shtëpia. Nëse kjo nuk është e mundur, atëherë punëdhënësi duhet t`u japë atyre pushim, transmeton albinfo.ch. Kështu, ata duhet të vazhdojnë të marrin pagat e tyre.
Qendrat e kujdesit ditor mund të mbyllen vetëm nëse ekzistojnë mundësi të tjera të përshtatshme alternative për kujdesin e fëmijëve. Kjo masë do të zbatohet fillimisht deri më 19 prill të vitit 2020, ashtu si dhe mbyllja e shkollave.
Apeli: Këshilli Federal u bën thirrje shtetasve zviceranë që aktualisht ndodhen në udhëtime jashtë vendit të kthehen në Zvicër. Kjo për shkak se tashmë shumë vende të tjera kanë futur në fuqi kufizimet e hyrjes.
Puna nga shtëpia (Home Office): Punëdhënësit duhet të sigurojnë që punëtorët të mund të punojnë nga shtëpia.
E-Diaspora
-
Arnold “The Cobra” Gjergjaj triumfon në luftën e fundit Gjatë së shtunës Arnold “The Cobra” Gjergjaj triumfoi kundër Dennis Lewandowski. Kjo ndeshje e madhe u...
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
Jeta në Austri
-
Katër liqene të bukura, tek të cilat mund të shkoni lehtësisht nga Vjena me transport publik Pranvera është këtu dhe vera është rrugës. Është koha e përsosur e vitit për të vizituar...
-
Sa vite duhet të punoni në Austri që të keni të drejtën e pensionit?
-
Austrian Airlines arrin marrëveshje pagash me punëtorët për të shmangur grevat e reja
-
Katër gjëra që duhet të dini para se të regjistroni fëmijën tuaj në një kopsht fëmijësh në Vjenë
-
A mund të marr përfitime papunësie në Austri nëse jam i vetëpunësuar?