Burri e preu gruan në fyt, pasi nuk i besonte se ajo ishte e virgjër

Arben Rexha e kishte vrarë Elidona Demiraj në janar të vitit të kaluar, pasi u bë i obsesionuar për partnerët e saj të mëparshëm

Një burrë e ka pranuar se e ka vrarë gruan e tij, duke e prerë në fyt, sepse mendonte se ajo po gënjente që ishte e virgjër, shkruajnë mediat.

Arben Rexha e kishte vrarë Elidona Demiraj në janar të vitit të kaluar, pasi u bë i obsesionuar për partnerët e saj të mëparshëm, përcjell albinfo.ch.

Rexha ishte i bindur se gruaja e tij, kishte abortuar, pasi kishte pasur një lidhje të mëhershme.

Hetimet treguan se nga momenti i vrasjes ata kishin së paku 12 javë që jetonin së bashku.

Për shkak të problemeve, Elidona kishte qëndruar te miqtë në Luton. Burri ishte i sigurt se ajo po takohej me dikë tjetër dhe ishte shumë xheloz.

Rexha i tha policisë për obsesionin e tij për marrëdhëniet e mëparshme të Elidonës dhe se ajo kishte pasur një abort. Ai gjithashtu u tha atyre se ai mendonte se ishte përdhunuar nga një burrë tjetër.