Lajme
Britania nis burgosjen e azilkërkuesve
Autoritetet britanike kanë nisur tashmë burgimin e azilkërkuesve në kuadër të planit për dëbimin e tyre në Ruanda, në një kohë kur fluturimet e para drejt vendit afrikan pritet të ndodhin në fillim të korrikut, transmeton euronews përcjell albinfo.ch.
“Njësitë tona të forcave të rendit po punojnë me hapa të shpejtë për të ndaluar ata që nuk kanë të drejtë të jenë këtu, në mënyrë që të nisim fluturimet e para”, deklaroi sekretari britanik i Punëve të Brendshme, James Cleverly.
Lajmi për formimin e grupit të parë vjen një javë pasi ligjvënësit britanikë miratuan ligjin e kontestuar që e shpallte Ruandën një vend të tretë të sigurt, duke anashkaluar një vendim të mëparshëm të Gjykatës Supreme që e kishte shpallur skemën të paligjshme sa i takon të drejtave të njeriut.
Kryeministri Rishi Sunak, që ka premtuar se do të ndalë fluksin e emigrantëve dhe azilkërkuesve që mbërrijnë me varka të vogla nga Evropa, paralajmëroi javën e kaluar se qeveria do të fillonte arrestimin e personave që do të dëboheshin, me fluturimet që do të nisnin brenda 10 apo 12 javësh.
Duke e quajtur këtë plan “një gur tjetër kilometrik”, Ministria e Brendshme në Mbretërinë e Bashkuar publikoi foto dhe video të emigrantëve që arrestoheshin me pranga në duar në rezidenca të ndryshme.
Duke reaguar, shoqatat civile për të drejtat e njeriut deklaruan njëzëri se qeveria britanike ka humbur humanizmin e saj.
Numri i personave që pritet të dëbohen këtë vit në shtetin afrikan është 5 mijë e 700.
E-Diaspora
-
Gjon’s Tears në intervistë për median zvicerane, flet për Kosovën Pas paraqitjeve të dukshme në televizion, Gjon’s Tears nga Fribourg publikoi albumin e parë në mars....
-
Bizneset nga diaspora vizitojnë “Shtëpinë e Kosovës”
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
Jeta në Austri
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë? Jo vetëm ata që kanë lindur me pasaportë austriake duhet të kryejnë shërbimin ushtarak. Nëse jeni...
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj