Bota tani ka më shumë telefonë se njerëz

Tani ka më shumë abonime celulare sesa njerëz në planet, raporton Statista.

Kishte më shumë se 8.58 miliardë abonime celulare në përdorim në mbarë botën në vitin 2022, krahasuar me një popullsi globale prej 7.95 miliardë.

Më 3 prill 1973 inxhinieri i Motorola-s, Martin Cooper, po qëndronte në një rrugë të Nju-Jorkut, kur bëri thirrjen e parë në një telefon të vërtetë celular, duke thirrur rivalin e tij kryesor në Bell Labs, Joel Engel.

Thirrja e bërë në një prototip, që më vonë u bë Motorola DynaTAC, ishte e shkurtër, siç kujtoi më vonë Cooper. “Unë i thashë “Joel, ky është Marty. Po ju telefonoj nga një celular, një celular i vërtetë, i lëvizshëm, dore”. Kishte një heshtje në skajin tjetër, dyshoj se po kërcëllinte dhëmbët”.

Thirrja e Cooper ishte një moment kyç në historinë e komunikimit celular, pasi shënoi fillimin e një epoke të re.

Sot, telefonat celularë janë të kudondodhur, me mbi 5.4 miliardë njerëz në mbarë botën, që kanë të paktën një abonim celular, sipas Groupe Speciale Mobile Association, GSMA.

Në fakt, tani ka më shumë abonentë celularë sesa njerëz në planet.

Sipas Unionit Ndërkombëtar të Telekomunikacionit (International Telecommunication Union, ITU), kishte më shumë se 8.58 miliardë abonime celulare në përdorim në mbarë botën në vitin 2022, krahasuar me një popullsi globale prej 7.95 miliardë banorësh në gjysmë të vitit./ World Economic Forum

---