Kosova
Bizneset shqiptare nga Cyrihu dhurojnë 125 mijë franga për Fondin e FSK-së
Me iniciativë e biznesmenëve kosovarë në Zvicër, Qahil dhe Ramadush Emini, në Cyrih mblidhen 125 mijë franga për fondin e Forcës së Sigurisë së Kosovës

Para pak kohësh Qeveria e Kosovës ka themeluar Fondin e Sigurisë, fond i cili ka për qëllim të mbështesë nevojat e Forcës së Sigurisë së Kosovës.
Mjetet e mbledhura nga fondi i FSK synohet të përdoren në përputhje me strategjinë e sigurisë shtetërore të Republikës së Kosovës. Të shumtë kanë qenë qytetarë dhe biznese të cilët e kanë mirëpritur iniciativën për të kontribuar në fondin e Forcës së Sigurisë së Kosovës.
Kësaj iniciative i është përgjigjur pozitivisht edhe pronari i firmës “Emi Sanitär” nga Cyrihu, Qahil Emini. Ai së fundi ka organizuar një mbrëmje ku ka bërë bashkë mbi 15 biznese dhe individë të cilët bashkërisht kanë mbledhur rreth 125 mijë franga, mjete këto të cilat i janë dërguar fondit të Forcës së Sigurisë të Kosovës.
Qahil Emini, për albinfo.ch ka treguar se kjo iniciativë ishte një formë për të shprehur dashurinë dhe mbështetjen për atdheun. Emini, tutje ka thënë se është momenti i duhur që të japim kontributin tonë, gjithsecili në mbështetje të shtetit dhe Forcës se Sigurisë së Kosovës.
Biznesmeni nga Cyrihu, së bashku me vëllanë e tij Ramadush Emini, kanë bërë që për një kohë të shkurtër të mbledhin biznese nga rrethi i Cyrihut me pronarë nga Kosova dhe Maqedonia e Veriut, të cilët i janë përgjigjur ftesë për të dhënë kontributin e tyre.
Qahil Emini, këtë iniciativë, siç ka treguar për albinfo.ch e ka bërë me besimin e plotë që ka në institucionet e Republikës së Kosovës. Emini, shpreson që këtë veprim do ta ndjekin edhe biznese të tjera, që sipas tij janë të shumtë në Zvicër. Emini për albinfo.ch është shprehur se pret që fondi i Forcës së Sigurisë së Kosovës të jetë transparent të paktën për mjetet e mbledhura dhe orientimin në fushën sigurisë shtetërore të Republikës së Kosovës.
Ai shpreson që aksione të natyrave të tilla do të ketë edhe në të ardhmen dhe thotë që Kosova nuk duhet të ndihmohet vetëm përmes fondeve për zhvillim, por edhe duke investuar direkt në ekonominë e shtetit të Kosovës.
Të ngjashme
Të tjera nga Kosova
E-Diaspora
-
Shqipëri: A do të lejohet diaspora të votojë me dokumente të vendeve tjera në zgjedhje? Kryetari i grupit parlamentar të Partisë Socialiste, Niko Peleshi deklaroi në Kuvend se ndryshimet në Kodin...
-
Rritje e gjuhëve të huaja në Zvicër: Shqipja, pas anglishtes
-
17 Vjet Pavarësi: Diaspora, drita e ditëve të errëta të Kosovës e forca e çlirimit të saj
-
17 vjetori i 17 Shkurtit, temë bosht e numrit të ri të revistës albinfo.ch
-
Hobi i veçantë i Egzonit që po mirëpritet në rrjetet sociale
Jeta në Austri
-
Çfarë ndikimi do të ketë sulmi terrorist i Villach në Austri? Sulmi me thikë në Villach ka ndezur një grindje mbi nevojën për masa më të forta...
-
Turizmi austriak po rimëkëmbet pas pandemisë
-
Austri: Dështimi i bisedimeve të koalicionit do të sjellë lehtësim për të huajt dhe punëtorët
-
Austri: Çka dihet për sulmin me thikë që la një të mitur të vdekur?
-
Austri: Një milion shishe dhe kanaçe u kthyen sipas skemës së re Pfand