Lajme
Bitcoinit i bie vlera për 50 për qind
Që nga nëntori i vitit të kaluar kjo monedhë dignitale ka shënuar rënie drastike të vlerës
Çmimet e kriptomonedhave vazhdojnë të bien, ndërsa ekonomitë e mëdha kërkojnë të frenojnë popullaritetin e tyre në rritje. Bitcoin ka humbur pothuajse gjysmën e vlerës së tij që nga niveli i lartë që arriti në nëntor.
Por nuk është vetëm Bitcoin, pasi kriptovalutat në përgjithësi kanë pasur një fillim të zymtë të këtij viti. Bitcoin ka rënë mbi 8% në 24 orët e fundit dhe po tregtohej me 35,479 dollarë. Kriptomonedha më e vlefshme në botë ka rënë me mbi 20% që nga fillimi i vitit. Në nëntor ajo u tregtua me një rekord të lartë prej 68,990 dollarë, transmeton Cnn, përcjell Albinfo.ch.
Ethereum, kriptomonedha e dytë më e vlefshme në botë, ka rënë me më shumë se 12% në 24 orët e fundit dhe po tregtohej me rreth 2,400 dollarë. Kjo është një rënie gati 30% që nga fillimi i vitit të ri.
Investitorët po shqetësohen për monedhat digjitale dhe asetet e tjera më të rrezikshme që kur Rezerva Federale e SHBA sinjalizoi se mund të zbusë stimulin ekonomik në mënyrë më agresive sesa pritej.
Javën e kaluar Banka qendrore e Rusisë propozoi një ndalim të përdorimit dhe minierave të kriptovalutave. Rusia është një nga vendet më të mëdha të kripto-minierave në botë, por banka e saj qendrore tha se monedhat digjitale mund të përbëjnë një kërcënim për stabilitetin financiar të vendit.
Propozimi rus vjen vetëm disa muaj, pasi Kina nisi një shtrëngim në shkallë të plotë mbi kriptomonedhën, duke ndaluar si tregtinë, ashtu edhe prodhimin.
Edhe India deklaroi në nëntor se po përgatitej të prezantonte një projekt-ligj që do të rregullonte monedhat digjitale. Në fillim të kësaj jave, kryeministri i Indisë Narendra Modi tha se nevojitet bashkëpunim global për të trajtuar problemet e paraqitura nga kriptovalutat.
Megjithatë, jo të gjithë janë pesimistë. Goldman Sachs tha se çmimi i Bitcoin mund të arrijë më shumë se 100,000 dollarë brenda pesë vjetëve të ardhshme.
E-Diaspora
-
Arnold “The Cobra” Gjergjaj triumfon në luftën e fundit Gjatë së shtunës Arnold “The Cobra” Gjergjaj triumfoi kundër Dennis Lewandowski. Kjo ndeshje e madhe u...
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
Jeta në Austri
-
Katër liqene të bukura, tek të cilat mund të shkoni lehtësisht nga Vjena me transport publik Pranvera është këtu dhe vera është rrugës. Është koha e përsosur e vitit për të vizituar...
-
Sa vite duhet të punoni në Austri që të keni të drejtën e pensionit?
-
Austrian Airlines arrin marrëveshje pagash me punëtorët për të shmangur grevat e reja
-
Katër gjëra që duhet të dini para se të regjistroni fëmijën tuaj në një kopsht fëmijësh në Vjenë
-
A mund të marr përfitime papunësie në Austri nëse jam i vetëpunësuar?