Lajme
Biden shfuqizon ndalesën për ushtarët transgjinorë
Presidenti i Shteteve të Bashkuara, Joe Biden, e shfuqizoi vendimin e paraardhësit të tij, Donald Trump, për t’i ndaluar amerikanët transgjinorë që t’i bashkohen ushtrisë.
Trump e ka shpallur këtë ndalesë gjatë vitit të parë si president.
“Shërbyesit transgjinorë nuk do t’i nënshtrohen më mundësisë së shkarkimit ose ndarjes në bazë të identitetit gjinor”, tha përmes një deklarate Shtëpia e Bardhë, transmeton Rel, përcjell Albinfo.ch.
Sipas të dhënave të Departamentit amerikan të Mbrojtjes, në vitin 2019 kanë qenë 8,980 ushtarë transgjinorë në detyrë.
“Presidenti Biden beson se identiteti gjinor nuk duhet të jetë pengesë për shërbimin ushtarak dhe se forca e Amerikës gjendet në shumëllojshmërinë e saj”, tha Shtëpia e Bardhë.
Vendimi vjen pasi sekretari i ri i Mbrojtjes, Lloyd Austin, gjeneral në pension i ushtrisë, ka folur për nevojën e heqjes së ndalesës gjatë seancës së konfirmimit të tij në Senat, javën e kaluar.
“Nëse jeni i aftë dhe jeni i kualifikuar për të shërbyer dhe mund t’i ruani standardet, ju duhet të lejoheni të shërbeni”, ka thënë Austin.
Në vitin 2017, Trump ka njoftuar në Twitter se SHBA-ja “nuk do të pranojë ose lejojë më” që amerikanët transgjinorë të shërbejnë në ushtri, duke përmendur “koston e jashtëzakonshme mjekësore dhe përçarjet”.
Ndalesa ka hyrë në fuqi në prill të vitit 2019.
Personeli transgjinor që po shërbente, është lejuar të vazhdojë, por rekrutët e rinj janë bllokuar.
E-Diaspora
-
Itali: Shqiptari goditi me çekiç bashkëshorten, arrestohet nga policia Raportohet se një 55-vjeçar shqiptar u arrestua nga policia italiane, pasi më 25 prill goditi me...
-
Xhaka-Gjimshiti nesër përballen për trofeun e Europa League
-
Muharrem Salihu, i gatshëm për deputet në Parlamentin Evropian
-
Inteligjenca e mërgimtarit shqiptar vlerësohet lart, kualifikohet në finalen e kampionatit të matematikës
-
Medina Jusufi Berisha, punon në profesionin që kishte ëndërruar si fëmijë
Jeta në Austri
-
Avdijaj, më i miri i xhiros së fundit në Austri Futbollisti shqiptar, Donis Avdijaj, është shpallur lojtari më i mirë i xhiros së fundit në Bundesligën...
-
Austria dhe Britania e Madhe me bashkëpunim për deportimin e emigrantëve
-
Vjenë: Droni “kap” 5 shqiptarë që po punonin në të zezë
-
A do të kufizojë Hallstatt i Austrisë turizmin këtë sezon?
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi