Lajme

Bëhet thirrje për forcimin e kufijve të jashtëm të BE-së

Ministrat e Brendshëm të Sllovakisë, Austrisë, Hungarisë dhe Republikës Çeke kanë bërë thirrje për forcimin e kufijve të jashtëm të BE-së për të parandaluar rritjen e migracionit të paligjshëm.

“Pas bisedimeve në Bratislavë, katër ministrat e Evropës Qendrore ranë dakord për një koordinim më të ngushtë lidhur me çështjet e migracionit dhe sigurisë kufitare”, deklaroi sot ministri i Brendshëm sllovak, Roman Mikulec, sipas agjencisë së lajmeve (TASR).

Mikulec njoftoi takimin në një njoftim të shkurtër pasi fillimisht Republika Çeke, dhe më pas Austria, filluan kontrollet kufitare me Sllovakinë.

Ministri sllovak, Mikulec tha se ministrat kishin rënë dakord për rritjen e presionit nga Komisioni Evropian mbi vendet e treta, për të luftuar migracionin e paligjshëm.

Gjithashtu, ministrat theksuan se procesi i riatdhesimit të migrantëve duhej të përshpejtohej.


LAJME INTERESANTE NGA INTERNETI