Muzikë
Bebe Rexha rrëfen problemet e saj mendore në karrierën muzikore
Këngëtarja shqiptare me famë botërore, Bebe Rexha ka folur për problemet e saj mendore që e kanë përcjell në disa periudha të karrierës muzikore.
Në një intervistë për revistën britanike “MarieClaire” Rexha ka folur hapur për shqetësimet që kishte, të cilat tani i menaxhon falë një terapie përmes të cilës bën ushtrime fizike dhe ha shëndetshëm. “Ka pasur momente kur nuk doja të dilja nga shtëpia, ose isha nervoze nëpër ahengje. E tmerruar qëndroja në një cep të dhomës.
Nuk e dija se çka janë makthet dhe shqetësimet. U takova me një terapeut dhe gjeta mënyra për ta kontrolluar nervozizmin”, thotë Bebe.
Problemet me shqetësimet dhe nervozizmin krijuesja e hitit “Last Hurrah” ka thënë t’i ketë pasur në të njëzetat e saj kur një studio muzikore e largoi nga ekipi.
“Isha shumë e shqetësuar sa ia shkrova një letër shefit të studios dhe i thash se ju me ekipin ma keni bërë jetën të mjerueshme, se jam e pikëlluar çdo ditë në një vend që po më mban si peng”, thotë Rexha për revistën “Marie Claire”.
Industrinë muzikore Bebe Rexha e ka quajtur të errët dhe se filloi të përmirësohej në shëndet kur pranoi se industria është e tillë.
“Shumë fanse kanë ardhur me nënat e tyre dhe më kanë falënderuar që u kam ndihmuar vajzave të tyre gjatë kohërave të vështira. U them se jam këtu për t’ju ndihmuar edhe pse shpesh nuk ndihem mirë për vete. Kam shumë energji për këtë shkak mund të shkruaj tekste që kanë ndikim te njerëzit”, thotë Bebe Rexha.
E-Diaspora
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada Tenori i njohur nga Kosova, Ramë Lahaj, do të jetë në Toronto në kuadër të aktiviteteve...
-
Regjistrimi i popullsisë: Diaspora mund të regjistrohet online deri më 31 gusht
-
Katër mërgimtarët që udhëtuan nga Zvicra në Strugë me biçikletë
-
Kosovë: Në 11 komuna shtyhet regjistrimi i popullsisë deri më 24 maj, për diasporën deri 31 gusht
-
Rreth 350 biznese nga diaspora dhe Kosova u mblodhen në Prishtinë
Jeta në Austri
-
Rreth 350 biznese nga diaspora dhe Kosova u mblodhen në Prishtinë Në 10 vjetorin e themelimit të Rrjetit Global të Bizneseve Shqiptare, sot në Prishtinë është mbajtur...
-
Si po e ndryshon motin në Austri ngrohja globale?
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj
-
Si po e bën Austria më të lehtë imigrimin e punonjësve të huaj shëndetësorë?