BE ofron 80 miliardë euro për hulumtime shkencore

Programi “Horizon 2020”, sipas komisionit të BE-së përbën programin më të madh për nxitjen e punës shkencore që është promovuar që nga themelimi i unionit

Bashkimi Evropian ka vendosur që për stimulimin e hulumtimeve shkencore deri në vitin 2020 të ndajë 80 miliardë euro. Shtete anëtare të BE-së i kanë dhënë të martën dritën e gjelbër programit “Horizon 2020” që i dedikohet promovimit të shkencës.

Zvicra planifikon të marrë po ashtu pjesë në këtë program por për të realizuar këtë, i duhet që më parë të negociojë një marrëveshje me BE-në, shkruan nzz.ch

Tetëdhjetë miliardët e zotuar, në periudhën nga viti 2014 deri në vitin 2020 do të mbështeten projekte inovative dhe aftësia konkurruese në fushë të shkencës.

Programi “Horizon 2020”, sipas komisionit të BE-së përbën programin më të madh për nxitjen e punës shkencore që është promovuar që nga themelimi i unionit.

Programi do të bëjë bashkë, në rrafshin e BE-së, projekte të ndryshme të cilat deri më tash janë zhvilluar paralelisht në vendet anëtare. Do të jenë para së gjithash institucionet e vogla kërkimore dhe kompanitë e vogla të cilat, përmes kritereve të thjeshtësuara do të mund të kenë qasje më të lehtë në burimet e financimit të tyre.