BE: Kosova të japë “kohë të mjaftueshme” për riregjistrimin e makinave

pixabay

Bashkimi Evropian njoftoi se Prishtina duhet të japë kohë të mjaftueshme për të zbatuar vendimin për riregjistrimin e automjeteve serbe në veri të Kosovës, raporton Reuters.

“Është e rëndësishme që të jepet kohë e mjaftueshme për zbatimin e këtij plani dhe që ai të përgatitet dhe zbatohet në konsultim të ngushtë me qytetarët për të cilët aplikon dhe në përputhje me praktikat e mira evropiane”, tha zëdhënësja e Komisionit Evropian.

“Përfundimet për Lirinë e Lëvizjes 2016 përfshinin një kornizë kohore shumë më të gjatë për riregjistrimin, e cila duhet të ofrojë udhëzime për procesin aktual”, shtoi ai.

BE u bën thirrje “të dyja palëve të përdorin dialogun e ndërmjetësuar nga BE-ja si një platformë për të zgjidhur të gjitha çështjet e pazgjidhura midis tyre, duke përfshirë targat”, tha zëdhënësi.

Më herët përfaqësuesi i lartë i BE-së për politikë të jashtme dhe siguri, Josep Borell, ka thënë hapur se çështja e targave është shumë më e vështirë për t’u zgjidhur se çështja e kartave të identitetit, por theksoi se është optimist.

Ai beson se do të zgjidhet brenda disa javësh dhe thotë se “nuk do të ndodhë nesër”.

Optimist është edhe Miroslav Lajçak, përfaqësuesi special për dialogun, i cili i tha Euronews Serbisë se ka edhe dy muaj për të arritur një zgjidhje. Ai gjithashtu tregoi se tashmë janë propozuar disa ide, për të cilat ai nuk mund të flasë.