Lajme
BAG: Situata, shumë e pafavorshme, vetëm numri i vdekjeve, ende “relativisht i ulët”
Mathys nga BAG: “Situata mund të klasifikohet si shumë e pafavorshme. Numri i infeksioneve të reja po dyfishohet çdo dy javë..."
Patrick Mathys nga BAG në fillim të konferencës për shtyp në Bernë, e cila sapo ka përfunduar, ka dhënë një pasqyrë jo shumë optimiste për gjendjen aktuale të pandemisë në Zvicër, shkruan albinfo.ch. “Situata mund të klasifikohet si shumë e pafavorshme”. Numrat po tregojnë drejtimin jo të mirë. Numri i infeksioneve të reja po dyfishohet çdo dy javë. Por, ka dallime të qarta midis kantoneve, thotë Mathys. Situata në Ticino është gjashtë herë më e mirë se në kantonin Nidwalden.
Vaksinimet përforcuese (vaksina e tretë) tani janë duke u zhvilluar në të gjitha kantonet, thotë Patrick Mathys. Deri më tani, më shumë se 200,000 njerëz mbi moshën 65 vjeç kanë marrë vaksinën përforcuese. Ndërsa në total, kjo grupmoshë numëron rreth 1.2 milionë njerëz, që i bie se me dozën e tretë tani janë të vaksinuar më pak se 20% të të moshuarve.
“Në hapin tjetër, grupet e tjera do të vazhdojnë vaksinimin, në përputhje me rekomandimet e Komisionit Federal për Çështjet e Vaksinimit. Vaksinimi përforcues duhet të rekomandohet për të gjithë njerëzit e moshës 16 vjeç e lart, “Ekif” aktualisht po punon me rekomandimin.
Siç dihet, Vaksina nga Pfizer / Biontech është miratuar sot për vaksinat përforcuese për moshat 16 vjeç e lart, shton Mathys. Aplikacioni i Moderna është duke u përpunuar.
Deri më tani, 13.5 milionë doza vaksinash janë dorëzuar në Zvicër, thotë Patrick Mathys. 65 për qind e popullsisë së tërësishme është vaksinuar. Ndërsa shkalla e vaksinimit për personat mbi 12 vjeç është 74 për qind.
Infeksionet po ndodhin kryesisht në Zvicrën lindore dhe qendrore. Në këto kantone, shkalla e vaksinimit është më e ulët, shpjegon Mathys. Nga këndvështrimi i tij, kjo tregon se vaksinimi është efektiv edhe në transmetimin e koronavirusit.
Mathys: “Rritje e ndjeshme e pranimeve në spital”
“Tani po shohim gjithashtu një rritje të konsiderueshme të pranimeve në spital”, thotë Mathys. Këto shifra gjithashtu ka mundësi të dyfishohen çdo dy javë. Incidenca aktualisht është më e larta tek personat mbi 80 vjeç. Zënia totale e vendeve në repartet e terapisë intensive është ende rreth 70 për qind.
Mathys më tutje thotë se numri i pacientëve me Covid-19 është rritur ndjeshëm që nga fillimi i nëntorit dhe se 50 për qind më shumë të sëmurë është dashur të trajtohen që atëherë.
Për fat të mirë, numri i vdekjeve është ende në një “nivel relativisht të ulët”.
E-Diaspora
-
Vjenë
Vjenë: Kori Siparantum edhe me një paraqitje në skenën prestigjioze Bëhet e ditur se kori Siparantum është shndërruar një prej përfaqësime më dinjitoze të Kosovës, përcjell...
-
Gjenevë
Gjenevë: Ramë Dardania sjell ekspozitë më 14 qershor
-
Mentor Latifi është emëruar ambasador i ri i Kosovës në Zvicër
-
Spanjë: Vlerësohet shfaqja “Ëndrrat e Hamletit” e Mentor Zyberajt
-
Kanada
Kanada: Tenori me famë botërore, Ramë Lahaj, sjell “Traviata” e Xhuzepe Verdit
Jeta në Austri
-
Vjenë
Vjenë: Kori Siparantum edhe me një paraqitje në skenën prestigjioze Bëhet e ditur se kori Siparantum është shndërruar një prej përfaqësime më dinjitoze të Kosovës, përcjell...
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998
-
A do të zhvendoset nga burgu austriaku Fritzl që u dënua me burgim të përjetshëm për dhunimin e të bijës?
-
Austri: Përmbledhje e lajmeve të fundit të ditës së sotme
-
Gjithçka që ndryshon në Austri nga muaji maj