Lajme

Zvicër: Nga 1 milion e 200 mijë të vaksinuar, 129 veta janë infektuar sërish

Arsyeja për këtë qëndron në faktin se vaksinat nuk janë 100 për qind efektive. Efektiviteti është 95 për % për vaksinën Pfizer / Biontech dhe 94 % për atë Moderna

E diel, 16 Maj 2021 - 16:00 albinfo.ch

Keystone

Sipas Zyrës Federale të Shëndetit Publik (BAG), 129 nga pothuajse 1.2 milion njerëz të vaksinuar plotësisht në Zvicër janë infektuar sërish nga koronavirusi, raporton srf.ch.

Arsyeja për këtë qëndron në faktin e ditur se vaksinat nuk janë 100 për qind efektive.

Shkalla e efektivitetit është 95 për qind për vaksinën Pfizer / Biontech dhe 94 për qind për vaksinën Moderna, transmeton albinfo.ch. Prandaj, pavarësisht nga vaksinimi, këto raste infektimi nuk duhet të na habisin, është shprehur zëdhënësi i BAG Grégoire Gogniat, i pyetur nga agjencia e lajmeve Keystone-SDA.

Ai ka konfirmuar me këtë rast informacionin nga “NZZ am Sonntag”.

Përveç kësaj, efektiviteti i vaksinave mund të ulet te të moshuarit, ka shtuar zëdhënësi. Nga ana tjetër, gjendja aktuale e njohurive është se vaksinat e aprovuara në Zvicër janë efektive edhe kundër koronavirusëve të mutuar, ka thënë Gogniat, transmeton albinfo.ch. Kjo vlen edhe për variantin indian.