Baerbock e vendosur: Do ta mbështesim Ukrainën, pavarësisht pakënaqësisë për çmimet e energjisë

Ministrja e Jashtme gjermane, Annalena Baerbock tha se Berlini duhet të mbështesë Ukrainën. Ajo e deklaroi këtë nëse gjermanët do të dilnin në rrugë për shkak të rritjes së çmimeve të energjisë elektrike.

Ministrja e Jashtme gjermane, Annalena Baerbock, tha se Berlini duhet të mbështesë Ukrainën. Ajo e deklaroi këtë nëse gjermanët do të dilnin në rrugë për shkak të rritjes së çmimeve të energjisë elektrike.

“Nëse i bëj një premtim popullit të Ukrainës: “Ne jemi me ju, për aq kohë sa ju keni nevojë për ne”, atëherë dua ta përmbush atë”, tha kryediplomatja gjermane.

“Pavarësisht se çfarë mendojnë votuesit e mi gjermanë, por unë dua t’ia ofroj këtë popullit të Ukrainës”, tha Baerbock, raporton dpa, përcjell Albinfo.ch.

Ajo theksoi se ukrainasit do të kenë mbështetje për aq kohë sa kanë nevojë për të në luftën kundër pushtuesit rus.

“Tani po përballemi me dimrin, kur do të sfidohemi si politikanë demokratë. Njerëzit do të dalin në rrugë dhe do të thonë ‘Nuk mund të paguajmë çmimet tona të energjisë’. Dhe unë do të them ‘Po, e di, kështu që ne do t’ju ndihmojmë me masa sociale.’ Por unë nuk dua të them: ‘Mirë, atëherë ne po ndalojmë sanksionet ndaj Rusisë’. Ne do të jemi me Ukrainën dhe kjo do të thotë se sanksionet do të mbeten në dimër, edhe nëse është shumë e vështirë për politikanët”, përfundoi Baerbock.

Ndryshe, Gjermania është një ndër shtetet që i ofrojnë ndihmë shtetit ukrainas që nga 24 shkurti, kur filloi pushtimi i Ukrainës nga Rusia./Albinfo.ch

---