Lajme
Babai që mbylli në bodrum 6 fëmijët, tronditi Austrinë
Ngjarje shokuese, babai që mbylli në bodrum 6 fëmijët e tij, ishte nipi i kriminelit famëkeq nazist, del videoja e shtëpisë së “tmerrit”
Në Hollabrunn të Austrisë është zbuluar një ngjarje e rëndë që ka shokuar popullin austriak dhe më gjerë, ku babai i 6 fëmijëve është vënë në pranga pasi akuzohet se mbylli fëmijët e tij në një bodrum, duke i mbajtur aty prej disa ditësh, deri sa kalimtarë dhe banorë të zonës dëgjuan zëra që vinin nga diku dhe për këtë ata lajmëruan policinë, përcjell albinfo.at.
Derisa u vendosen njësitet në vendin e ngjarjes, u zbulua një skenë e vërtetë filmash horror, teksa 6 fëmijët qëndronin aty prej disa kohësh, me pretendimin nga i ati, për t’i mbrojtur ata nga e keqja që i vinte nga jashtë.
Mësohet se 54-vjeçari britanik, Tom Landon, është nipi i një krimineli famëkeq nazist të luftës që krijoi kampin e përqendrimit “Mauthausen”.
Thuhet se ai është pjesë e lëvizjes “Reichsburger”, një grup ekstremistësh të krahut të djathtë që besojnë se perandoria gjermane ekziston ende si para Luftës së Dytë Botërore dhe shteti aktual gjerman është i parëndësishëm.
Bastisjet e policisë së fundmi shkatërruan anëtarë të grupit që po planifikonin të sulmonin ndërtesën e Kapitolit gjerman dhe të rrëzonin qeverinë. Landon konfirmoi gjithashtu për MailOnline se ai ishte nipi i kriminelit famëkeq nazist të luftës, Ernst Kaltenbrunner, i cili ishte udhëheqës i SS-ve të frikshëm në Austri dhe më vonë kreu i policisë në Gjermaninë e kohës së luftës.
Kaltenbrunner ishte një ndjekës i përkushtuar i Adolf Hitlerit deri në fund dhe ishte një nga protagonistët kryesorë të Holokaustit. Ai themeloi kampin e përqendrimit Mauthausen, i pari i këtij lloji në Austri dhe ku u vranë rreth 90,000 njerëz.
Për më shumë detaje:
E-Diaspora
-
Vildane Rexhepi, menaxhere prokurimi në IT-në e bankës UBS Ka mbaruar me sukses studimet për ekonomi në disa universitete të njohura dhe tani menaxhon projektet...
-
Muhamed Mustafi, ylli shqiptar në St. Gallen
-
Shqipëria, pjesë e paradës së karnavaleve në Berlin
-
Gazmend Zajmi, një ndër kolosët e pavarësisë
-
“Më të kërkuarat janë fanellat e Zvicrës dhe ato të Shqipërisë”
Jeta në Austri
-
Si po e ndryshon motin në Austri ngrohja globale? Ngjarjet ekstreme të motit kanë shënuar pothuajse çdo muaj të vitit 2023 në Austri. Ekspertët thonë...
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj
-
Si po e bën Austria më të lehtë imigrimin e punonjësve të huaj shëndetësorë?
-
A mund të blejnë të huajt prona në Austri?