Pas inkursioneve të dronëve të humbur në Baltik, Polonia do të dërgojë avionët e saj luftarakë në Estoni.
Zëvendëskryeministri, njëherit ministër i Mbrojtjes, Wladyslaw Kosiniak-Kamysz, ka njoftuar se avionët luftarakë polakë do të plotësojnë boshllëqet që kanë hasur në misionin e policimit ajror në Estoni.
Ndryshe, gjatë muajve të fundit, dronët ukrainas janë përplasur në oxhakun e një termocentrali në Estoni, kanë goditur rezervuarët e zbrazët të karburantit në Letoni si dhe disa janë rrëzuar nga avionët luftarakë rumunë të stacionuar në Lituani.
Për herë të parë në një kryeqytet të NATO-s dhe Bashkimit Evropian, lituanezët u strehuan në parkingje nëntokësore në Vilnius dje, ndërsa autoritetet paralajmëruan për aktivitet të dronëve të paidentifikuar në Bjellorusinë fqinje.
Tutje, Kosiniak-Kamysz ka folur gjithashtu rreth vendimit për vendosjen përfundimtare të trupave amerikane në Poloni për të cilin ka thënë se do të merret brenda dy javësh.
