Lajme
Austria dhe Holanda, qëndrime të ndryshme për pranimin e Kroacisë, Rumanisë dhe Bullgarisë në schengen
Ne ishim ngurrues për aderimin në Schengen të Kroacisë, Rumanisë dhe Bullgarisë, por në fund të diskutimeve tona arritëm në përfundimin që Kroacia dhe Rumania të anëtarësohen në zonën Schengen, deklaroi kryeministri holandez, Mark Rutte, në kuadër të samitit BE-BP.
”Për sa i përket Bullgarisë, nuk është një ‘jo’, por një ‘ende jo’. Ne kemi nevojë për më shumë kohë, veçanërisht për mekanizmin e verifikimit dhe monitorimin e Schengenit”, shtoi ai.
Rutte tha se ishte “optimist” për “hapa përpara” vitin e ardhshëm për anëtarësimin e Bullgarisë në Schengen, transmeton ansa, përcjell albinfo.ch.
Ministrat e BE-së duhet të shprehen për aderimin e tri shteteve anëtare në zonën e lirë të qarkullimit në Këshillin e ardhshëm të Punëve të Brendshme të BE-së, në program të enjten. Vendimi kërkon unanimitet.
Ndërkohë, Austria përsëriti një ”jo” të fuqishme për hyrjen në zonën Schengen të Rumanisë dhe Bullgarisë.
”Nuk ka asnjë miratim nga Austria, na nevojitet më shumë kohë. Kemi 75 000 emigrantë të paligjshëm të regjistruar në Austri. Fillimisht duhet t’u përgjigjemi çështjeve të sigurisë”, tha kancelari austriak, Karl Nehammer, i cili ndodhet në Tiranë për samitin BE-BP.
Deklaratat e Nehammerit erdhën pasi presidenti rumun, Klaus Iohannis, u tha gazetarëve në Tiranë se synimi i Bukureshtit është që të negociojë deri në momentin e fundit me BE-në.
Të tjera nga Lajme
E-Diaspora
-
Detaje nga rasti kur një shtetas nga Kosova vrau pronarin e biznesit në Dyseldorf Një vrasje me armë zjarri është regjistruar dje në qytetin e Dyseldorfit në Gjermani. Mësohet se...
-
Arnold “The Cobra” Gjergjaj triumfon në luftën e fundit
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
Jeta në Austri
-
Katër liqene të bukura, tek të cilat mund të shkoni lehtësisht nga Vjena me transport publik Pranvera është këtu dhe vera është rrugës. Është koha e përsosur e vitit për të vizituar...
-
Sa vite duhet të punoni në Austri që të keni të drejtën e pensionit?
-
Austrian Airlines arrin marrëveshje pagash me punëtorët për të shmangur grevat e reja
-
Katër gjëra që duhet të dini para se të regjistroni fëmijën tuaj në një kopsht fëmijësh në Vjenë
-
A mund të marr përfitime papunësie në Austri nëse jam i vetëpunësuar?