Lajme
Austria dëbon 4 diplomatë rusë
![](https://www.albinfo.at/wp-content/uploads/2022/04/jacek-dylag-5sjaaqqccmy-unsplash-2.jpg)
Ministria e Jashtme e Austrisë tha më 2 shkurt se ka dëbuar katër diplomatë rusë për veprime që bien ndesh me statusin e tyre diplomatik.
Ministria tha se diplomatët duhet të largohen nga vendi deri më 8 shkurt. Dy diplomatë punonin në Ambasadën ruse, ndërsa dy të tjerët ishin anëtarë të misionit rus në Kombet e Bashkuara në Vjenë, por nuk u dhanë më shumë detaje.
Deri tani nuk ka pasur reagim nga Moska.
Në prill të vitit 2022, Austria kishte dëbuar gjithashtu 4 diplomatë të tjerë rusë me arsyetimin e njëjtë.
Deri tani, shumë shtete të BE-së kanë dëbuar diplomatë rusë pas dënimit ndërkombëtar të mizorive që pretendohet se forcat ruse kanë kryer ndaj civilëve ukrainas.
Pushtimi rus i Ukrainës ka hyrë në muajin e 12-të.