Lajme

Austri: Testim për 10 ditë i masave kufizuese për të pavaksinuarit

Vendimi i Austrisë për të izoluar personat e pavaksinuar kundërshtohet fort nga ata, të cilët nuk e përkrahin këtë politikë, duke protestuar pak orë para mesnatës të së dielës, para se të hynte në fuqi dekreti qeveritar.

Me aplikimin e masave të reja kufizuese personat e pavaksinuar mbi 12 vjeç e kanë të ndaluar të largohen nga shtëpitë e tyre.

Ata mund të dalin vetëm për aktivitetet bazike, të shkojnë në punë, të kryejnë blerje të domosdoshme, të ecin ose të shkojnë të vaksinohen.

Austria ka një nga nivelet më të ulëta të vaksinimit në Evropën Perëndimore, me rreth 65 për qind të popullsisë totale të vaksinuar plotësisht.

Masat kundër të pavaksinuarve fillimisht do të zgjasin 10 ditë. Personat e pavaksinuar mund të gjobiten deri në 1,450 euro nëse shkelin kufizimet.