Arrestohet personi që sulmoi Bebe Rexhën gjatë koncertit

Nicolas Malvagna, 27-vjeç, është autori i sulmit të këngëtares me origjinë shqiptare, Bebe Rexha. Ai është identifikuar me ndihmën e fansave të këngëtares, duke thirrur sigurinë dhe duke i treguar se ai ishte autori. Malvagna ndodhet në paraburgim nga policia dhe pritet të dalë të hënën në gjyq.

Nuk dihen arsyet që kanë çuar të riun për të bërë këtë, e ndërsa për shkak të këtij sulmi, këngëtarja ka bërë 3 qepje në vetull. Vetë bukuroshja ka postuar foto në profilin e saj në Instagram, ku njofton fansat se “është mirë”, transmeton A2, përcjell albinfo.ch.

Koncerti i së dielës në The Rooftop në Pier 17 ishte pjesë e turneut të këngëtares dhe kauntatores 33-vjeçare, të titulluar Best F’n Night Of My Life.

---