Arrestohet personi i katërt lidhur me rastin e Drenasit

Foto ilustrim

Inspektorati Policor i Kosovës, respektivisht hetuesit e Departamentit të Hetimeve kanë vazhduar të ndërmarrin veprime të tjera hetimore lidhur me rastin e Drenasit, në konsultim të drejtpërdrejtë me Prokurorinë e Shtetit.

Në kuadër të këtyre veprimeve hetimore sot  në orët e pasdites hetuesit e IPK-së arrestuan të dyshuarin e katërt në këtë rast.

I dyshuari me inicialet G.H. u arrestuar me dyshimin se i njëjti ka kryer veprat penale “keqpërdorim i detyrës zyrtare”, “keqpërdorim seksual duke keqpërdorur pozitën zyrtare apo profesionin” dhe veprës penale “frikësim gjatë procedurës penale”.

Bazuar në aktvendimin e Prokurorisë Themelore të Prishtinës të dyshuarit G.H. i është caktuar masa e ndalimit për 48 orë deri në vazhdimin e procedurave të tjera sipas Kodit të Procedurës Penale.