Lajme

Arrestohet një shqiptar në Gjermani i kërkuar për vrasje në Austri

E enjte, 27 Qershor 2019 - 9:00 albinfo.ch

Policia gjermane ka arrestuar një 31-vjeçar shqiptar, i shpallur në kërkim për vrasje.

Ai ishte shpallur në kërkim nga Austria, pasi dyshohej si autori i vrasjes së një 46-vjeçari boshnjak, mbrëmjen e 4 qershorit, në Sazburg.

Mediat gjermane raportojnë se, shqiptari i arrestuar njihej me emrin Klodi dhe ishte nga Tirana.

31-vjeçari është arrestuar në një lokal, gjatë një kontrolli nga policia gjermane, derisa nuk ka rezistuar në momentin e arrestimit, përcjell albinfo.ch.

Ai pritet të ekstradohet në Austri, ku do të përballet me akuzat për vrasje.

Ndërkohë, gjatë ngjarjes së 4 qershorit mbeti i plagosur dhe djali i viktimës.

 Të ngjashme

Si rekrutohet stafi infermieror nga Kosova, në Bavari

 Të tjera nga Lajme

Ambasadorët dhe bizneset diskutojnë mundësitë për investime dhe bashkëpunim ekonomik

 E-Diaspora

 Jeta në Austri