Lajme
Arrestohen 4 shtetas të Kosovës dhe të Maqedonisë, të dyshuar për terrorizëm
Një 28 vjeçar, shtetas kosovar, një shtetas 29 vjeçar i Maedonisë së Veriut, një shtetas kosovar 26 vjeçar dhe një shtetas i dyfishtë zvicerano-kosovar 34 vjeçar
Policia federale, me kërkesë nga Prokuroria Federale ka arrestuar sot katër të dyshuar për terrorizëm, pas kontrollit të shtëpive të tyre në kantonin e Fribourgut, shkruan srf.ch.
Bëhet fjalë për tre burra dhe një grua nga Ballkani (Kosova dhe Maqedonia) të moshës midis 26 dhe 34 vjeç.
Sipas deklaratës nga prokuroria federale, arrestimet kanë të bëjnë me dy procedime penale që janë hapur në dy muajt e fundit, transmeton albinfo.ch.
Të akuzuarit akuzohen për shkelje të ligjit i cili ka shpallur të ndaluara grupet si Al-Kaeda dhe Shteti Islamik si dhe organizatat e lidhura me të dhe për mbështetjen ose pjesëmarrjen në një organizatë kriminale.
Të arrestuarit janë: një 28 vjeçar, shtetas kosovar, një shtetas 29 vjeçar i Maedonisë së Veriut, një shtetas kosovar 26 vjeçar dhe një shtetas i dyfishtë zvicerano-kosovar 34 vjeçar.
Të katër të akuzuarit janë me banim në kantonin e Fribourg, sipas zyrës së prokurorit federal.
Meqenëse të dyshuarit për terrorizëm ishin në kontakt me njëri-tjetrin, bastisjet dhe arrestimet në shtëpi janë kryer në të njëjtën kohë, përcjell albinfo.ch. Sipas njoftimit, Shërbimi Federal i Inteligjencës (NDB) ishte gjithashtu i përfshirë në operacionin anti-terrorist.
Prokuroria Federale, për arsye taktike, nuk ka bërë të ditur ndonjë detaj të mëtejshëm. Ajo ka thënë se do të komentojë përsëri mbi procedurat penale në kohën e duhur.
Për të gjithë personat e akuzuar vlen perezumimi i pafajësisë.
E-Diaspora
-
Bizneset nga diaspora vizitojnë “Shtëpinë e Kosovës” Pas eventit të mbajtur dje në Prishtinë ku u bashkuan rreth 350 biznese nga diaspora dhe...
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
-
Regjistrimi i popullsisë: Diaspora mund të regjistrohet online deri më 31 gusht
Jeta në Austri
-
Rreth 350 biznese nga diaspora dhe Kosova u mblodhen në Prishtinë Në 10 vjetorin e themelimit të Rrjetit Global të Bizneseve Shqiptare, sot në Prishtinë është mbajtur...
-
Si po e ndryshon motin në Austri ngrohja globale?
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj
-
Si po e bën Austria më të lehtë imigrimin e punonjësve të huaj shëndetësorë?