Anulohen mbi 100 fluturime nga Londra

Mbi 100 fluturime janë anuluar në aeroportin “Heathrow” të Londrës, si pasojë e motit të keq. Mediat britanike raportojnë se shkak është bërë mjegulla e madhe që ka pushtuar zonën.

Ndërkohë, në aeroport janë regjistruar temperaturat më të ulëta në 13 vjetët e fundit. Termometri shënoi -8,4 gradë celsius mbrëmjen e së dielës, ndërsa në Santon Downham temperatura ishte -9.5 gradë celsius. Meteorologët kanë parashikuar që mjegulla do të vijojë deri mesditën e së hënës, përcjell albinfo.ch.

“Ka pasur ndryshime të orareve të avionëve për shkak të mjegullës së madhe. Ne po punojmë me kompanitë për rregullim e orareve të reja, ndërsa po u vihet në ndihmë edhe pasagjerëve”, tha një zëdhënës i aeroportit “Heathrow”.

 

---