Anulohen disa fluturime nga Tirana drejt Italisë

Tri fluturime që ishin në program nga aeroporti ndërkombëtar “Nënë Tereza” drejt Italisë këtë të diel janë anuluar.

Bëhet fjalë për avionë që duhet të uleshin në Milano, Romë dhe Bolonjë.

Ndonëse kompania “Air Albania” nuk ka dhënë një shpjegim zyrtar në lidhje me shkakun e anulimit të fluturimeve, nga ana tjetër Autoriteti i Aviacionit Civil zyrtarisht thotë se anulimi i fluturimeve mund të ketë të bëjë me arsye operacionale.

Megjithatë, ka dyshime të forta se kjo masë është marrë nga situata e koronavirusit në Itali, sidomos pas dekretit të fundit që izoloi 16 milionë banirë në qendër dhe veri të vendit për një periudhë deri në 3 prill, përcjell Albinfo.ch.