Lajme
Amnesty International i kërkon Zvicrës të vazhdojë mbrojtjen e Dik Martit
Amnesty i bëri thirrje Qeverisë së Zvicrës që të përdorë të gjitha mjetet diplomatike dhe ligjore në dispozicion për t'i dhënë fund kërcënimit kundër Martit
Ish deputeti nga Tiçino në Dhomën e Kantoneve të Parlamentit të Zvicrës, Dick Marty ka ende nevojë për mbrojtje. Amnesty International e kërkon këtë në një rezolutë dhe rekomandon që Qeveria Federale të vazhdojë të mbrojë “me të gjitha mjetet” Dick Martin.
Siç është raportuar muajin e kaluar, Marty ka qenë nën mbrojtje të rreptë policore për gati 18 muaj, shkruan albinfo.ch. Si raportues special i Këshillit të Evropës, Marty kishte publikuar një raport në vitin 2010 mbi krimet e supozuara të luftës nga luftëtarët kosovarë në luftën për pavarësi kundër Serbisë.
Gjetjet e tij u përdorën në vitin 2020 për aktakuzën në Gjykatën Speciale të Kosovës në Hagë kundër presidentit të atëhershëm të Kosovës, Hashim Thaçi.
Sipas shpjegimeve të Martit, kërcënimi i tashëm ndaj tij vjen nga qarqe të afërta me shërbimin sekret serb. Ai ka deklaruar se vrasja e synuar e tij, do të përdorej nga shërbimi sekret serb për të fajësuar shqiptarët, të cilët “kishin motiv” për ta eliminuar atë. Sidoqoftë, Ambasada e Serbisë në Zvicër ka mohuar këto akuza.
Kërkohen veprime diplomatike dhe ligjore
Në asamblenë e përgjithshme virtuale të së enjtes, Amnesty i bëri thirrje Qeverisë së Zvicrës që të përdorë të gjitha mjetet diplomatike dhe ligjore në dispozicion për t’i dhënë fund kërcënimit kundër Martit, shkruan sda.ch.
Siç duket, Prokuroria Federale deri më tani nuk ka bërë asnjë kërkesë për ndihmë juridike tek autoritetet gjyqësore serbe, përcjell albinfo.ch. Qeveria gjithashtu nuk duket se ka ndërmarrë ndonjë hap diplomatik efektiv për të rritur mbrojtjen e Marty-t, shkruan Amnesty.
Të ngjashme
Të tjera nga Lajme
E-Diaspora
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998 Kryetarja e shoqatës “Kosovo goes Europe”, Kati Schneeberger do të hapë nesër (2 maj) ekspozitën ...
-
Milano: Rita Petro, ndër të ftuarat e “FjalaFest”
-
Bruksel: Përfaqësuesit e diasporës shqiptare, gati për projektin e shkollës verore “JAM SHQIPTAR”
-
Belgjikë: Arrestohen disa shqiptarë për këto motive
-
Gjermani
Humb jetën tragjikisht mërgimtari në Gjermani
Jeta në Austri
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998 Kryetarja e shoqatës “Kosovo goes Europe”, Kati Schneeberger do të hapë nesër (2 maj) ekspozitën ...
-
A do të zhvendoset nga burgu austriaku Fritzl që u dënua me burgim të përjetshëm për dhunimin e të bijës?
-
Austri: Përmbledhje e lajmeve të fundit të ditës së sotme
-
Gjithçka që ndryshon në Austri nga muaji maj
-
Katër liqene të bukura, tek të cilat mund të shkoni lehtësisht nga Vjena me transport publik