Lajme
Ambasada e Shqipërisë në Austri uron Festën e 28 Nëntorit me pikturën e Endrit Memës
Ambasada e Shqipërisë në Vjenë ka zgjedhur që nëpërmjet pikturës së piktorit shqiptar që jeton në Vjenë të urojë Festën e Pavarësisë së Shqipërisë, Ditës së Flamurit, shkruan Albinfo Austria.
“Me rastin e Festës sё Pavarësisë, Ditës sё Flamurit, Ambasada e Shqipërisë ka kёnaqёsinё tё përshëndes virtualisht me ekspozitën e piktorit Endrit Mema, i cili na sjell nëpërmjet pikturës flamurin shqiptar nё kohë dhe simbolin tonё kombёtar, shqiponjёn dykrenare.
Falënderime tё veçanta z. Mema pёr ekspozitën dhe z. Franc Jakova pёr filmimin!
Ambasadori Roland Bimo dhe stafi i Ambasadës u uron gёzuar 28 Nёntorin!”, uron ambasada e Shqipërisë në Austri.
Endrit Mema: Ngjyrat e pikturës pasqyrojnë shumëllojllojshmërinë e shqiptarëve në mërgim
Endrit Mema ka lindur me 1983 në Tiranë dhe ka kryer studimet në Liceun Artistik në Tiranë, dega pikturë grafike në vitet 1998-2002. Më pas ka kryer studimet për drejtësi në disa shtete të ndryshme të BE-së. Ai jeton dhe vepron prej vitesh si jurist dhe artistik, në Vjenë, Austri.
Për simbolikën dhe ngjyrat që ka përdorur në këtë pikturë ai ka thënë:
“Mendimi për të punuar flamurin kombëtar shqiptar më erdhi në fillim të vitit 2020. Shpresoja të gjeja një mundësi për të ekspozuar gjatë “Javëve të Kulturë Shqiptare” në Vjenë. Sapo mbarova pikturën e parë papritur shpërtheu Covid – 19 dhe duke qëndruar në shtëpi, vazhdova të pikturoj flamuj të tjerë. Flamuri shqiptar është tepër i veçantë pasi është një ndër flamujt më të vjetër në botë akoma në përdorim zyrtar. Ai është përdorur për herë të parë në vitin 1443 nga Gjergj Kastrioti – Skenderbeu. Gjithashtu ai është edhe ndër flamujt e paktë që përmban një shqiponjë.
Në punët e mia unë kam punuar flamurin në formate të pashfaqura më parë. Jam frymëzuar nga shqiponjat dhe simbolet e përdorura në kohë të ndryshme sipas përfytyrimeve popullore nga qeveritë pushtuese apo ato me pritje të theksuara politike. Kam luajtur sidomos me ngjyrat, të cilat ndoshta pasqyrojnë në mënyrë të pavetëdijshme gjallërinë e kombit shqiptar, shumëllojllojshmërinë e jetës së shqiptarëve në mërgim por edhe ditët e turbulluara që shoqëria njerëzore po kalon në vitet e fundit kudo në botë”, përcjell Albinfo Austria.
Të tjera nga Lajme
E-Diaspora
-
Shqiptari i vë flakën vetes në Itali, në sy të gruas së tij Ngjarje e rëndë: 47-vjeçari shqiptar i vë flakën vetes në sy të gruas - ja çka...
-
Dr. Cristiana Lucchetti: Shqipja, gjuha më e rëndësishme e origjinës në Zvicër
-
Mërgimtarët hasin në probleme gjatë regjistrimit të popullsisë, ReKos 2024
-
Njoftim për diasporën: Vetëm edhe 10 ditë për regjistrimin e popullsisë, ReKos 2024
-
Amerikë
Piloti i parë shqiptar i Forcave ajrore amerikane: Me krenari e mbaj uniformën
Jeta në Austri
-
Austri
Vjenë: Kori Siparantum, mahnitës në 200-vjetorin e Simfonisë së Nëntë të Beethovenit Kori Siparantum shënoi një moment të pazakontë në historinë muzikore te ne, duke u ngjitur kështu...
-
80 vjedhje, 560 mijë euro dëm: Arrestohen katër shqiptarë në Austri
-
Austri: Ministri i Brendshëm kërkon dëbimin në Kosovë të kriminelëve nga vendet e treta
-
Çfarë është e hapur dhe çfarë është e mbyllur në “Ditën e Ngjitjes” në Austri?
-
Përmbledhje e lajmeve më të fundit për sot në Austri