Kosova
Ambasada e Francës: Qeveria nuk u konsultua për shpalljen si terroriste të organizatave në veri
Ambasada e Francës në Kosovë ka shprehur zhgënjimin e saj sa i përket shpalljes si terroriste të organizatave “Mbrojtja Civile” dhe “Brigada e veriut”.
Në një përgjigje për Klankosovën, Ambasada e Francës thotë se nuk është konsultuar dhe as informuar nga Qeveria e Kosovës për vendimin për shpalljen e organizatave “Mbrojtja Civile” dhe “Brigada e veriut” si organizata terroriste.
“Ne as nuk jemi konsultuar dhe as nuk jemi informuar paraprakisht për vendimin e Qeverisë së Kosovës për shpalljen e organizatave ‘Mbrojtja Civile’ dhe ‘Brigada e veriut’ si organizata terroriste”, thuhet në përgjigjen Ambasadës franceze, përcjell albinfo.ch.
Ambasada po ashtu ka kërkuar sa më shpejt zgjedhje të reja në veri të Kosovës, në mënyrë që të arrihet shtensionimi i situatës.
“Rikujtojmë pritshmërinë e Bashkimit Evropian dhe shteteve anëtare të saj në lidhje me Qeverinë e Kosovës me qëllim të deeskalimit të situatës në veri të Kosovës”.
Këto janë tërheqja e forcave speciale nga afërsia e objekteve komunale; ushtrimi i funksioneve nga kryetarët e komunave në objekte alternative; organizimi sa më i shpejtë i zgjedhjeve të reja në katër komunat e veriut të Kosovës; rifillimi i dialogut me synim normalizimin dhe në veçanti përparimin lidhur me asociacionin e komunave me shumicë serbe.
Edhe Shtetet e Bashkuara të Amerikës kanë thënë që Qeveria e Kosovës ka marrë vendim pa u koordinuar me aleatët e saj, përcjell albinfo.ch.
Të tjera nga Kosova
E-Diaspora
-
Rama njofton për programin e veçantë për emigrantët që duan të investojnë në Shqipëri Kryeministri i Shqipërisë, Edi Rama, njoftoi sot për një program të veçantë për të gjithë emigrantët...
-
400 mijë të regjistruar përmes platformës e-diaspora
-
Bizneset ekspozojnë produktet e tyre në “Panairi Lugina” në Zvicër
-
Arbëreshët, kjo rrënjë e fortë e Atdheut!
-
Shqiptari shpallet studenti më i mirë i policisë së Nju-Jorkut për 2024-ën
Jeta në Austri
-
Kandidati për eurodeputet, Lukas Mandl vizitoi meshën shqipe në Vjenë Lukas Mandl falënderoi komunitetin shqiptarë në Austri që po e mbështesin gjatë këtij rrugëtimi në ...
-
Bildungskarenz: Çfarë duhet të dini për marrjen e fondeve shtetërore austriake për arsimim të mëtejshëm?
-
Muttertag: Si e feston Austria Ditën e Nënës?
-
Çfarë duhet të dini për supermarketet në Austri?
-
Çfarë lejohet të bëjnë fëmijët vetëm sipas ligjit austriak?