Shqipëria

Akuza të rënda ndaj qeverisë Rama nga Brukseli

Javën e shkuar AFET, komisioni i jashtëm i Parlamentit Europian miratoi raportin “Shqipëria 2022” në përgjigje të raportit përkatës të Komisionit Europian. Teksti i paraqitur nga socialistja portugeze Isabel Santos u ndryshua nga amendamentet e eurodeputetëve të Partisë Popullore Europiane. Këto amendamente u mbështetën edhe nga kolegët socialistë, të gjelbër e liberalë.

Lidhur me zgjedhjet e 14 majit raporti thekson se në “Shqipëri duhet të garantohet liria e partive politike që të paraqiten në zgjedhje pa ndërhyrje të paduhur nga shteti apo aktorë të tjerë”. Ky pasazh i referohet ndalimit të PD reale për të hyrë në zgjedhjet lokale me të gjitha atributet politike e ligjore që i përkasin asaj. Mesa duket për shkak të afateve nuk janë paraqitur amendamente lidhur me problemet e këtyre zgjedhjeve.

Raporti i PE shpreh “keqardhjen për shkeljen rregullores së Kuvendit dhe shqetësimin për ngushtimin e hapësirës për rolin mbikëqyrës të opozitës parlamentare përfshi edhe refuzimin për ngritjen e komisionit hetimor”

Referimi është për rastin e fundit të rrëzimit të kërkesës së PD për një komision hetimor parlamentar për rolin e kryeministrit Rama në skandalin McGonigal.

PE i bën thirrje qeverisë që “të anullojë urgjentisht çdo nismë ligjore për amnistinë  fiskalo-penale dhe pasaportat e arta. Këto skema janë kërcënim për BE dhe për Shqipërinë dhe do të bllokojnë qartazi progresin e integrimit Europian.

Parlamenti Europian “është i skandalizuar kontratën e Portit Durrës me një kompani  nga Emiratet e Bashkuara edhe pse kjo kontratë shkel Marrëveshjen e Stabilizimi Asociimit me BE dhe megjithë paralajmërimet  e mëparshme të Parlamentit e Komisionit Europian.”

Gjithashtu në raport thuhet se projekte si ai i Portit Durrës duhet të zbatojnë prokurimi. Publik sipas standardeve europiane të MSA.

PE shpreh shqetësimi për regresin e lirisë së shprehjes dhe të medias, refuzimin e qeverisë për të dhenë informacion, përpjekje për diskreditimin e gazetareve.

Gjithashtu kërkohet hetim për shembjen e paligjshme të aseteve të lidhura me mediat e pavarura nga qeveria apo kritike me te siç është rasti i Prestige Ressort dhe 24 News TV.

Raporti shpreh gjithashtu shqetësim se nuk ka progres me larjen e parave të Krimit si dhe me korrupsionin në nivel të lartë qeveritar ku mungojnë dënimet gjyqësore.

Propozuesit e këtyre amendimeve janë eurodeputetet Michael Gahler, David Lega,, Lukas Mandl, Antonia Lopez Isturiz, Miriam Lexman, Peter van Dalen, Vladimir Bilcik, Zeljana Zovko e Arba Kokalari.