Aeroporti i Gjenevës priti 16.3 milionë pasagjerë më 2023

(KEYSTONE/Martial Trezzini)

Trafiku i pasagjerëve në aeroportin e Gjenevës vazhdon të rritet. Vitin e kaluar nëpërmjet këtij aeroporti kaluan 16.3 milionë njerëz, një rritje prej 16%.

Ndërsa ende nuk është në nivelet para pandemisë, kur afro 18 milionë fluturuan nga Gjeneva, shifrat e vitit të kaluar janë më të larta se sa pritej, shkruajnë mediat zvicerane, përcjell albinfo.ch.

Pjesa më e madhe e rritjes ishte në gjysmën e dytë të vitit. Analistët vërejnë se tendenca më e lartë po ndodh edhe në sfondin e tensioneve të trazuara gjeopolitike dhe tarifave relativisht të larta të fluturimeve.

Kostoja e fluturimit tani është rreth një e treta më e lartë se 2019-a.