Aeroporti “Adem Jashari” thyen rekord të ri

Vetëm gjatë muajit gusht, në aeroportin e Prishtinës janë regjistruar mbi 300 mijë udhëtarë, ndërsa janë realizuar 2,212 fluturime.

Kështu ka njoftuar menaxheri i planifikimit të fluturimeve në aeroportin “Adem Jashari”, Driton Hyseni, i cili ka thënë se në raport me gushtin e vitit 2018, rritja në fluturime është 16%, e në udhëtarë 10%, transmetojnë mediat kosovare.

“Shifra prej mbi 300 mijë udhëtarëve paraqet rekordin e aeroportit sa i takon numrit të udhëtarëve të shërbyer në interval kohor brenda një muaji kalendarik, gjithashtu numri prej më shumë se 2 200 fluturimesh është numri më i madh i fluturimeve të realizuara ndonjëherë për një muaj.
“Faleminderit shfrytëzuesve të aeroportit, u jemi mirënjohës për besimin në shërbimet tona”, ka shkruar ai, përcjell albinfo.ch.

 

---