Lajme
A po tenton Rusia të vjedhë studimet e vaksinës COVID-19?
Britania e Madhe, Kanadaja dhe Shtetet e Bashkuara e kanë akuzuar Rusinë se po përpiqet të vjedhë të dhënat e hulumtimeve për vaksinat e COVID-19 nga institucionet akademike dhe farmaceutike në të gjithë botën.
Qendra Kombëtare e Sigurisë Kibernetike në Britaninë e Madhe (NCSC) tha më 16 korrik se grupi i hakerëve APT29, i njohur gjithashtu si Cozy Bear, ka shënjestruar organizatat e përfshira në zhvillimin e një vaksine kundër COVID-19, sëmundja që shkaktohet nga koronavirusi i ri.
NCSC tha se sulmet e grupit janë duke u zhvilluar “me qëllim të vjedhjes së informacionit dhe pronësisë intelektuale në lidhje me zhvillimin dhe testimin e vaksinave të COVID-19″.
“APT29 me siguri funksionon si pjesë e Shërbimeve të Inteligjencës Ruse”, tha NCSC, përcjell albinfo.ch.
Paul Chichester, drejtori i operacioneve të NCSC, dënoi “këto sulme të neveritshme kundër atyre që bëjnë punë të rëndësishme për të luftuar pandeminë e koronavirusit”.
Sekretari i Jashtëm britanik, Dominic Raab, tha se ishte “plotësisht e papranueshme” që shërbimet e inteligjencës ruse shënjestrojnë angazhimet që po bëhen për pandeminë, duke shtuar se Britania do të punojë me aleatët e saj për të mbajtur përgjegjës ata që po veprojnë në këtë mënyrë.
“Derisa të tjerët po ndjekin interesat e tyre egoiste me sjellje të pamatura, Mbretëria e Bashkuar dhe aleatët e saj po fillojnë me punën e vështirë për të gjetur një vaksinë dhe për të mbrojtur shëndetin global”, tha Raab në një deklaratë.
Zëdhënësi i Kremlinit Dmitry Peskov tha se Rusia nuk ka “asgjë të bëjë” me sulmet e supozuara të hakerave ndaj kompanive farmaceutike dhe instituteve kërkimore në Britani.
Shtetet e Bashkuara e kanë identifikuar grupin Cozy Bear si një nga grupet e hakerave të lidhura me qeverinë ruse që sulmuan rrjetin kompjuterik të Partisë Demokratike përpara zgjedhjeve presidenciale në SHBA.
Të ngjashme
Të tjera nga Lajme
E-Diaspora
-
Robin Krasniqi fiton me pikë ndaj portugezit Jorge Silva Boksieri kosovar, Robin (Haxhi) Krasniqi, ka mposhtur portugezin Jorge Silva të shtunën, në meçin e zhvilluar...
-
Sot shfaqet në Cyrih filmi “The Land within”, i regjisorit Fisnik Maxville
-
“Kino Kosova”: Një realitet filmik i shikuar nga perspektiva femërore
-
Krasniqi sonte rikthehet në ring, përballet me boksierin portugez
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
Jeta në Austri
-
Çfarë më lejohet të bëj në ballkonin tim në Austri? Gjatë muajve të verës, mund të duket se çdo austriak jeton ekskluzivisht në ballkonet e tij...
-
Një përmbledhje e lajmeve më të fundit në Austri
-
A mund të paguani taksat tuaja austriake duke përdorur një llogari bankare të huaj?
-
Pse Austria renditet kaq keq në indeksin për lirinë e shtypit?
-
Nomadët digjitalë: Kush mund të punojë në distancë në Austri?