A janë të sigurta rrugët zvicerane?

Rrugët zvicerane, me 31 njerëz të aksidentuar për vdekje në një milion banorë, janë ndër më të sigurtat në botë.

Barometri i sigurisë që pasqyron nivelin e sigurisë në komunikacion në Zvicër tregon se veçanërisht nga niveli i lartë i sigurisë kanë përfituar motoristët dhe motoçiklistët. Numri i aksidenteve në të dyja grupet u zvogëlua vitet e fundit.

Por nuk janë kursyer nga aksidentet çiklistët dhe këmbësorët.

Këshilli Zviceran për Parandalimin e Aksidenteve (BFU) është veçanërisht i shqetësuar për faktin se ka pak përparim në fushën e trafikut me shpejtësi të ulët. Përveç kësaj, gjithnjë e më shumë të moshuar janë viktima të aksidenteve të trafikut, përcjell albinfo.ch.

Shkaqet kryesore të aksidenteve të rënda në trafikun rrugor janë së pari nga moskujdesia dhe shpërqendrimi, si dhe neglizhimi i makinës, së dyti shpejtësia dhe së treti alkooli në timon.

Për më tepër, rreziku i ndeshjeve është ende problemi më i madh në trafikun rrugor dhe aksidentet shpesh janë fatale.

Sipas një studimi, vetëm dy nga dhjetë shoferët e makinave kurrë nuk do të ngasin më shpejt se sa lejohet.
Këshilli Zviceran për Parandalimin e Aksidenteve (BFU) e konsideron legjislacionin në Zvicër të jetë i mirë.

Por ka ende mundësi për plotësim. Teknologjia gjithashtu mund të mbështesë njerëzit edhe më shumë. Veçanërisht përdorimi i sistemeve të asistencës për vozitje ka potencial të madh.