A janë liqenet e Zvicrës mjaftueshëm të ngrohta për not?

Me temperaturat e larta të verës, shumë banorë dhe turistë në Zvicër po kërkojnë freskim në liqenet e vendit. Por, nëse uji është mjaftueshëm i ngrohtë për not, kjo varet kryesisht nga preferencat personale

Temperaturat e liqeneve në Zvicër monitorohen çdo ditë nga instrumente të Zyrës Federale për Mjedis, ndërsa të dhënat publikohen edhe në platforma si MeteoNews.

Sipas të dhënave të përmendura nga “The Local”, temperaturat mund të ndryshojnë dukshëm nga një liqen në tjetrin. Në kohën e publikimit, disa liqene kishin vetëm rreth 9 gradë Celsius, ndërsa të tjerë arrinin deri në 23 gradë Celsius, transmeton albinfo.ch.

Ekspertët theksojnë se temperatura nuk është e njëjtë në të gjithë sipërfaqen e liqenit. Zonat ku derdhen ujëra nga Alpet apo lumenjtë malorë mund të jenë shumë më të ftohta se pjesët e tjera.

Përveç kënaqësisë së notit, autoritetet kujtojnë rëndësinë e sigurisë. Notarët këshillohen të mos hidhen në ujë pa e ditur thellësinë, të mos notojnë vetëm, të shmangin alkoolin para hyrjes në ujë dhe të qëndrojnë në zonat e përcaktuara për not.

Zvicra njihet si vend i liqeneve, me mbi 1,500 të tillë në gjithë territorin. Disa prej tyre, si Liqeni i Gjenevës dhe ai i Cyrihut, ndodhen pranë qyteteve të mëdha, ndërsa liqenet malore ofrojnë qetësi, pamje të mrekullueshme dhe freski gjatë ditëve të nxehta të verës.

---